Македонија е една од „најмизерните држави во светот“ – Кои земји се најсреќни?

Според извештај на реномиран професор по применета економија, Македонија е 39-тата најмизерна држава во светот според фактори како невработеност и инфлација. Во регионот, полошо е рангирана единствено Босна и Херцеговина.

Според таканаречениот Годишен индекс на мизерија, во 2022 година најмизерна држава била Зимбабве. Македонија, пак, не е така далеку од врвот и се наоѓа на 39-то место од 157 земји.

Индексот го изработува Стив Х. Ханке – професор по применета економија на Универзитетот Џон Хопкинс.

Тој вели дека за да ја направи листата, зел предвид фактори како невработеност, инфлација и каматни стапки.

За веб-сајтот National Review, каде што е објавен индексот, професорот открива дека идејата потекнувала од познат економист кој прво ги рангирал државите во САД. Подоцна идејата ја доработил професор од Харвард, и на крај самиот професор Ханке.

Според резултатите, најмизерна држава е Зимбабве, а главниот фактор за ова е инфлацијата.

Македонија е на 39-тото место, а како главен фактор за мизеријата е наведена невработеноста.

Од балканските држави, полошо е единствено во Босна и Херцеговина која се наоѓа на 18-то место.

Србија се наоѓа на 54-то место, Грција на 84-то, Албанија на 97-то, додека Бугарија води од соседните држави и се наоѓа на 101-во место.

Можеби очекувано, најсреќна земја е Швајцарија.

10-те најмизерни држави во 2022 година (почнувајќи од најмизерната):

1. Зимбабве

2. Венецуела

3. Сирија

4. Либан

5. Судан

6. Аргентина

7. Јемен

8. Украина

9. Куба

10. Турција

10-те најсреќни држави на следната страница...