Возачот кој го сними автомобилот на Жота во пламен, ја демантира полицијата: „Се колнам, не возеа пребрзо“

Детали

четврток, 10 јули 2025

Според прелиминарниот полициски извештај, Диого Жота и неговиот брат возеле над 120km/h, колку што е дозволено на тој дел од автопатот. Но, возачот на камионот кој го сними автомобилот во пламен, сега ги демантира.

Португалецот Хозе Азаведо, возачот на камионот, кој го сними автомобилот на Диого Жота како гори, се појави во јавноста една недела по страшната несреќа.

Тој објави ново видео, во кое раскажува што видел и што се случувало на фаталната делница од автопатот А-52 во Шпанија, но и го демантира прелиминарниот полициски извештај.

„Јас сум возачот кој го сними Lamborghini-то како гори. Кога стигнав до колата застанав, зедов противпожарен апарат, почнав да гасам, да пробам да помогнам.

Но, поради силниот удар, огнот што гореше, не можев да направам апсолутно ништо.

Тие ме претекнаа многу мирно, не возеа пребрзо. Се колнам, не возеа над дозволеното. Возеа многу опуштено. Можев да ги видам и бојата и марката на возилото.

Возам по овој пат од понеделник до сабота и знам дека е ужасно место. Многу е темно.

Мое искрено сочувство. Јас имам чиста совест, знам што видов, што направив. За жал, така заврши.

Престанав да снимам штом дојдов до возилото, пробав да помогнам, но за жал ништо не можеше да се направи“, вели тој во видеото.

 

За потсетување, Диого Жота и неговиот помал брат Андре Силва, загинаа во сообраќајка на 03.07, на пат од Шпанија кон Англија.

Полицијата на лице место констатирала смрт на двајцата патници во автомобилот, а според првичниот извештај, до несреќата дошло бидејќи возачот ја загубил контролата над автомобилот, откако им се дупнала гума.

Тие возеле со брзина над дозволената и удриле во банкина, а при страотниот удар, колата се запалила.

Двајцата браќа беа погребани минатиот викенд во Португалија, во близина на црквата во која Жота и неговата љубов од детството се венчаа само 11 дена пред трагедијата.

Погледнете го видеото:

Прочитајте и Погребан Диого Жота - Сопругата облечена во бело, бдението се одржа во црквата каде се венчаа пред 2 недели

А. Ј. | Црнобело