Видео кое ќе го гледате низ солзи: Татко го снима својот син кој се буди од трансплантација на срце

Детали

вторник, 26 јануари 2016

15-годишниот Тревор Саливан бил опериран и му била направена трансплантација на срцето, а неговиот татко решил да ги сними среќниот момент и солзите на момчето по неговото будење.

Оригиналното видео од тинејџерот кој се буди со солзи радосници е прегледано повеќе од 1,2 милиони пати на Фејсбук, а било пуштено и на неколку телевизиски програми ширум Америка.

Филип Саливан, таткото на Тревор, вели дека тој не се чувствувал добро повеќе од една година сè додека во февруари 2015-та година не откриле за што станува збор. Му била дијагностицирана кардиомиопатија.

По една година конечно се оперирал и добил ново срце.

Целта на ова храбро видео била да се разбуди свеста на луѓето за тоа колку многу семејства секојдневно се соочуваат со потребата за трансплантација на некој орган и колкава е важноста на донаторите.

„Го објавивме ова видео во кое Тревор се буди по операцијата за да ја подигнеме свеста за потребата од донирање на органи. После она низ кое помина нашето семејство, ни се промени сфаќањето за животот. Ние сме само едно од многуте семејства кои поминуваат низ ова трауматско животно искуство“ - вели Филип.

Тревор моментално заздравува и е во добра состојба.

Н. Г. | Црнобело