Срамота: Како се одмаздуваат српски туристи заради лош интернет во Грција?

Детали

петок, 07 јули 2017

Српски туристи кои неодамна биле на летување во Грција решиле да им „напакостат“ на сопствениците на вилата кајшто биле сместени на необичен начин.

Иако Грција е избор за одмор на многу српски гости, често се случува тие да се жалат за секакви работи.

Група туристи од Србија биле незадоволни од интернет конекцијата во текот на нивниот престој, па одлучиле да се „одмаздат“ за тоа. Истуриле маслиново масло врз мебелот и тоа врз креветот, перниците, постелнината, па дури и фиоките.

На социјалните мрежи се појавија фотографии од нивниот апартман на кои нивните сонародници коментирале дека во Грција ретко се наоѓа добар интернет во апартманите, па подобра опција им било да отидат во некое кафуле, а не да се посрамотат на ваков начин, со уништување на мебелот.

М. В. | Црнобело