Затнат тоалет, заборавени патници: Најчудните причини заради кои авионите среде лет биле вратени назад

Детали

среда, 26 септември 2018

Кога станува збор за летање со авион, никој не очекува дека заради некоја помала причина би постоела можност да се врати авионот.

Иако се случило многупати патниците од нелогични причини да бараат авионот да се врати, сепак нормално, биле одбиени.

Но, се случува, некогаш под некои бизарни околности, иако авионот е во сред лет, да се врати назад на писта.

Погледнете кои се најчудните причини заради кои се случило тоа:

Затнат тоалет

Авион бил приморан да се врати назад заради здравствени и безбедности причини откако патниците почнале да се жалат дека тоалетот мириса лошо, а екипата не можела да го реши проблемот.

Ласер

Во 2016-та, авион бил вратен назад заради инцидент со ласер. Наводно, ласер бил вперен во пилотската кабина, што направило пилотот да не се чувствува добро.

Во Велика Британија постои закон дека луѓето кои светат со ласер кон авион во лет може да бидат казнети.

Ларви

Откако патниците забележале ларви кои излегуваат од канта со расипано месо на авионот и лазеле насекаде, авионот бил веднаш вратен назад.

Чудно однесување на патник

Авион кој полетал од Хаваи кон Јапонија бил приморан да го сопре летот и да се врати назад, откако еден патник одбил да седне додека се служело јадењето бидејќи сакал да медитира и да практикува јога во задниот дел.

Откако стјуардесите и неговата сопруга се обиделе да го вратат на место, тој станал нервозен и насилен, па авионот морал да се врати, а мажот бил уапсен и платил казна на авиокомпанијата.

Заборавени патници

Авион се вратил на аеродром по двајца патници на гејт кој го пропуштиле летот, 30 минути откако полетал заради безбедносни мерки со оглед на несовпаѓањето на бројот на патници и багажот.

Кавга помеѓу стјуардеси

Откако две стјуардеси за време на лет се скарале, пилотот се консултирал со аеродромот од каде што тргнал и ја опишал ситуацијата, па бил приморан да се врати назад, а тие биле заменети со други вработени.

М. М. | Црнобело