Сијамски близначки, кои имале шанса да преживеат 1 во милион, го прославија 16-тиот роденден

Детали

среда, 02 јануари 2019

Нивната судбина била неизвесна, но тим од врвни хирурзи е заслужен за тоа што близначките водат убав и среќен живот.

Заинаб и Јанат Рахман се родиле како сијамски близначки споени кај градите и црниот дроб. Докторите уште при бременоста им кажале на нивните родители да размислат за абортус на близначките затоа што шансата да преживеат им е 1 во милион.

Но, сестрите биле родени, разделени со операција и ги изненадиле сите. Сега се здрави и го прославија 16-тиот роденден.

Нивната мајка вели: „Сè низ што минавме ми изгледа како далечен кошмар сега. Тогаш никогаш не се осмелував да си го замислам овој ден, но кога ги гледам денес е прекрасно. Постигнаа многу и покрај ужасните прогнози.“

Близначките беа разделени на 6-неделна возраст со сложена операција од 4 ипол часа од тим од 20 врвни хирурзи.

Денес, тие учат во Лондон и постигнуваат врвни резултати. Двете се совршено здрави. Нивните животи се чудо и нивните родители се благодарни секој ден за тоа.

С. С. | Црнобело