„Колку е тешко да погодиш само две бои?“ – Меган Маркл го нацрта украинското знаме наопаку (фото)

Детали

четврток, 21 април 2022

„Меган Маркл – најпаметна од кралското семејство. Исто Меган Маркл – не може да го нацрта украинското знаме“ – сопругата на принцот Хари е мета на шеги и критики откако го нацрта украинското знаме наопаку.

Меган Маркл и Хари ги израдуваа фановите со појавувањето во Холандија, но изгледа дека нивната посета ќе остане запомнета по гафот на војвотката.

Неодамна беа објавени нови фотографии од нивната посета и иако можеби Меган сакала да ги покаже нејзината грижливост и добрина, она што привлече најмногу внимание е нејзиниот цртеж од украинското знаме.

Во неделата, 17 април, Меган беше во друштво на семејствата на учесниците во Invictus Games во Холандија каде што читаше детски книги со нивните деца и црташе.

 На една од објавените фотографии се гледа како Меган го црта украинското знаме, но наопаку.

Можеби најсмешно е што фотографиите беа објавени од страна на Британската амбасада, а никој не ја воочил грешката на Меган.

Јавноста веднаш ја искористи можноста да се пошегува, најмногу бидејќи Меган и Хари гласно ја искажуваат нивната поддршка за Украина.

„Навистина никој не го забележа украинското знаме што го нацрта Меган Маркл?“

„Меган Маркл го нацрта украинското знаме наопаку. Колку е тешко да погодиш само две бои?“

„Хари бил загрижен за баба му? Треба да е позагрижен што неговата сопруга досега не научи како изгледа украинското знаме“.

„Ако пребараше на Гугл како изгледа знамето (како што наводно морала да ја пребара британската химна) немаше да го нацрта наопаку“.

„Меган Маркл – најпаметната, најинтелигентната. Исто Меган Маркл – не може да го нацрта украинското знаме“, гласи коментар алудирајќи на истражување според кое Меган е најпаметниот член на кралското семејство.

Некои, пак, ја бранат војвотката и почнаа да развиваат теории на заговор. Според некои твитерџии, знамето свртено наопаку е знак дека оној што го црта (или покажува) е во опасност.

Па, некои сметаат дека Меган барала помош, но не е јасно од кого и зошто. Други, пак, го толкуваат цртежот на Меган како знак за помошта што ја бара Украина.

Сепак, многу поверојатно е дека војвотката само се збунила.

Прочитајте повеќе: Како Меган Маркл ја одбележа годишнината од првото јавно појавување со Хари + Љубезен гест кон мајка на новороденче (фото+видео)

Спирова С. | Црнобело