Илон Маск по гласините за аферата со сопругата на најдобриот пријател: „Не сум имал секс со години“

Детали

понеделник, 25 јули 2022

„Гласините не се точни“ - милијардерот Илон Маск се огласи на Твитер по пишувањата дека наводно имал афера со сопругата на неговиот пријател Сергеј Брин (ко-основач на Google) и дека му го растурил бракот.

Во голем број од медиумите изминатиот викенд се појави информација дека ексцентричниот милијардер Илон Маск (51) е главен виновник за распаѓањето на бракот помеѓу коосновачот на Google, Сергеј Брин (41) и неговата сопруга Никол Шанахан (33).

Според сторијата објавена во Wall Street journal, аферата меѓу Никол и Илон довела до тоа двајцата бизнисмени да ги прекинат пријателските односи, иако Сергеј Брин му позајмил на Маск пари и му помогнал во периодот кога неговата компанија „Тесла“ се справувала со криза.

Наводно, Маск го молел Брин да му прости и да ги подобрат пријателските односи.

Илон Маск, кој деновиве го тресат и други скандали, како судењето со Твитер, но и веста дека во тајност добил близнаци со своја вработена, се огласи на социјалните мрежи и веднаш ги негираше сите пишувања.

„Ова е тотално сра*е. Сергеј и јас сѐ уште сме пријатели и заедно бевме на забава минатата ноќ! Со Никол сум се видел само двапати во три години и секогаш околу нас имаше многу луѓе. Немало ништо романтично меѓу нас“ – напиша тој, а потоа одлучи да сподели уште еден детаљ за сопствениот приватен живот.

„Не сум имал секс со години (воздишка)“.

Инаку, Сергеј, кој е осми по ред најбогат човек во светот, во јануари годинава поднесе документи за развод со неговата сопруга Никол.

Според Сергеј причина за развод биле ненадминливите разлики меѓу сопружниците, но дел од медиумите шпекулираат дека главна причина бил Маск.

Прочитајте и „Како никогаш да не видел сонце “ – Илон Маск хит на Твитер со новите фотки од одморот во Грција

 Б. С. Б. | Црнобело