Направи сам: Миризливи свеќи во школки

Ова е само уште едно идеално решение како да ги искористите собраните школки кои навистина сакате да ги зачувате како спомен од одморот.

Нема потреба повеќе да ви стојат само како украс, да фаќаат прашина на полиците, ниту пак да ги фрлите по само неколку месеци бидејќи ви се чинат неупотребливи.

Свеќите школки се најлесна летна декорација која во домот ќе внесе голема свежина.

Потребно ви е:

• Неколку школки
• Восок
• Етерични масла
• Фитиљ
  
  

Постапка:

Во голем сад истопете го восокот и додајте му етерични масла по желба. Комбинирајте ги омилените мириси и создадете свој, единствен и препознатлив.

Школките подгответе ги, исплакнете ги и исчистете ги добро, да не се влажни. Со пинцета држете го фитиљот во средината на школката, а од околу со мало лажиче истурајте го восокот.

Почекајте неколку минути, додека восокот не се стврдне, а потоа може да ги ставите школките во фрижидер за добро да се зацврстат.

По желба поставете ги во дневната соба или спалната и уживајте во романтичните топли ноќи.