Домашно подготвен ликер од чоколада

Идеално изненадување за љубителите на чоколадото и алкохолот. За помалку од половина час ќе имате домашно подготвен, чоколаден ликер на кој никој нема да му одолее.

Потребно ви е:

• 1l млеко
• 1kg шеќер
• 200g какао во прав
• 50g растопено чоколадо
• 2dl рум

Подготовка:

Во едно големо тенџере растопете го чоколадото, а потоа додајте го млекото и какаото во прав. Постепено додајте го шеќерот и чекајте додека течноста не се загрее и соедини.

Доволно е да проврие неколку секунди, за да го тргнете тенџерето од огнот. Оставете ја течноста да се олади.

Откако течноста ќе биде потполно изладена, додајте го румот. Никако не го додавајте додека течноста е врела, затоа што многу лесно ќе испари и неговиот вкус ќе биде незабележлив.

Пред послужување задолжително ликерот оставете го во ладилник најмалку 1 час.

Послужете во чаши за мартини или виски и декорирајте со јагоди, рендано чоколадо, цимет...