Внесете ретро гламур во модерната венчавка

Модерните свадби се толку вообичаени и секојдневни, што по малку стануваат и досадни.

Можеби е време да се потсетите на нешто ретро, романтично и со стил.

Особено ако ви се омилени старите холивудски филмови, за кои сте посакувале да бидат и ваша реалност, може да ги остварите со неколку детали.

1. Првиот впечаток е оној на венчаницата, затоа не го заборавајте класичниот вел кој како мрежа го прекрива лицето и ви дава интересен ретро класичен изглед.

2. Главната одлика на ретро шминката е светол тен, истакнати очи и силно црвени полни усни.

3. Вашите чевли не треба да бидат едноставни и незабележливи, без разлика што не ви се гледаат под долгиот фустан. Одберете чевли со впечатлив украс од циркони кој ќе го привлекува вниманието кога ќе ви се поткрене фустанот.

4. Одберете романтично старо место за венчавка кое ќе го украсите во модерен стил, но ќе се чувствува ретро гламурот.

5. Најдете некој интересен арт деко стил на покани за свадбата кои потсетуваат на оние од старите филмови.

6. Бидермаерот задолжително нека ви биде од рози, по можност од бели, розови и нежно жолти. Вистинско освежување на белата венчаница.

7. Одберете целосно бела торта на неколку ката.

8. Не го заборавајте незаменливиот детаљ на врвот на тортата.

9. На масите во ресторанот нека има некој ретро елемент кој ќе ја следи целата тематика на прославата и ќе го надополни амбиентот.

10. Направете интересни, ситни подароци за гостите кои уште долго ќе ги потсетуваат на вашата венчавка. Може да се тоа бонбончиња, машнички, шамивчиња, пораки и сл.

11. Не ја пропуштајте кулата од шампањ

12. На крај, заминете со стил како што ви доликува. Во класичен „олд-тајмер“ автомобил, украсен со цвеќе, платно и доколку сакате лименки кои се влечат како во холивудските филмови!