Изобилство на празен простор и светлина: Што ги прави уникатни и пријатни домовите на Јапонците?

Јапонските домови се разликуваат многу од оние на западот, а се карактеризираат по едноставност, лаконизам и нагласен аскетизам.

Нема ништо излишно, секој предмет си има свое јасно мести и сè заедно има длабоко симболично значење.

Погледнете кои се основните принципи и карактеристики на јапонските домови, што ги прават толку уникатни:

Изобилство на празен простор

Јапонците немаат навика да ги полнат домовите со вишок мебел и дрангулии кои не им се потребни.

За да биде идеално, дневната соба треба да има само „татами“ – душеци направени од трска и оризова слама и со нив е покриен подот.

Тие всушност се користат и како мерка за мерење на просторот – традиционална соба има 6 татами.

Други работи кои може да бидат вклучени во домаќинството се мала масичка со перници за седење, фиоки и футони – душеци полнети со памук кои се користат наместо кревет.

Па така, освен што минимализмот дава ефект на поголем простор, друг бонус е тоа што кога има малку работи не се собира многу прашина, па е полесно за чистење.

Разновидност

Во традиционалните јапонски домови, нема внатрешни ѕидови во вообичаена употреба. Наместо тоа, тие користат лесни лизгачки делови кои се користат како граничници, а се направени од дрво или бамбус.

Тие лесно се преместуваат, па така Јапонците можат лесно да го променат изгледот на домот, да направат неколку соби од една, а заради минималниот мебел и лесното пренесување, собата често може преку ден да биде дневна соба, а навечер да се направи спална.

Во големите куќи пак, бањата и тоалетот се по правило одделени – во едната просторија има тоалетна школка и туш кабина, а втората просторија е традиционална бања.

Причината е заради тоа што тие во туш кабината ја чистат нечистотијата, а во бањата се релаксираат подолго време под топла вода.

Блискост со природата

Неопходен дел во јапонските домови е градината. За да уживате во неа, доволно е само да се отворат лизгачките врати, а кога времето е добро тие се постојано отворени.

Тие се зближуваат со природата и преку користење природни материјали како дрво, бамбус или памук.

Тие се користат во изградбата на домовите бидејќи се поевтини и попристапни за разлика од железото и каменот.

Но, исто така, заради многуте земјотреси кои се случуваат во Јапонија, многу им е полесно да изградат одново таква лесна природна куќа после катастрофа, отколку камена.

Изобилство на светлина

Друга карактеристика во јапонскиот ентериер е изобилството на пригушена светлина која продира низ домот преку надворешните ѕидови кои се направени од проѕирен материјал и нежно се распространува заради формата во вид на решетки.

Сличен ефект имаат и ламбите направени од бамбус или оризова хартија.

Минимализам

 Главната работа во домот  на Јапонците не е екстерната убавина, туку удобноста и смиреноста на оние кои живеат во него.

Нема силни бои и премногу дрангулии како во повеќето наши домови. Мебелот е сведен на минимално и она што е неопходно, а тие неколку декорации кои ги имаат и ги смируваат се ставаат на едно место.

 М. М. | Црнобело