Дали е сексот омилена активност?

По сумирање на резултатите, се покажало дека сексот е навистина најомилената активност на луѓето!

Психолозите од новозеландскиот Универзитет Кантебури, спровеле истражување со кое сакале да откријат колку им е важен сексот на луѓето во однос на другите работи во животот.

Резултатите ги изненадиле сите – сексот како активност им е поважен на луѓето од, на пример, забава со алкохол, па дури и од дружењето со сопствените деца!

Научниците ги следеле дневните случувања во животот на испитаниците, а секој испитаник морал да оцени колку која активност го задоволува и исполнува. Своите извештаи испитаниците ги испраќале со СМС пораки.

Испитаниците оценувале 30 активности – од грижа за децата, до видео игри, а тоа го правеле врз основа на низа критериуми во кои главна задача била да се одреди степенот на задоволството за одредена активност.

По собраните резултати, се покажало дека на испитаниците најдрага активност им е сексот. Потоа следат добри забави кои вклучуваат алкохол, па и квалитетно поминато време со децата.

Како што тврдат стручњаците, не треба да се приговара на резултатите, на пример, зошто децата не се на врвот од приоритетната листа. Рамките на оценувањето биле поинакви и секако, на луѓето најважни им се децата.