Родителите составија листа со желби на ќеркичката чии денови живот се избројани (видео)

Само 5 месеци откако се родила малечката Шаен Локхарт, во септември 2013-та година се соочила со трансплантација на срцето, а само една година подоцна докторите ѝ дијагностицирале лимфома, вид на рак кој ги напаѓа пациентите со трансплантирани органи.

По неколкумесечен исцрпувачки третман, нејзините родители донеле тешка одлука да ја отпуштат Шаен од болница и да ја донесат дома во Охајо.

„Доволно беше. Таа преживеа толку многу во нејзиниот кус живот, за да се соочува со уште работи“, изјавила нејзината мајка Кора.

Заедно со сопругот, грижливите родители решиле да состават листа со 73 желби, за да Шаен ги преживее преостанатите месеци онака како што заслужува секое детенце, вклучувајќи ги и големите моменти како матурска забава и танцот со тато на нејзината свадба.

Слатката Шаен била крунисана како кралица на матурската забава која ја организирале во нејзината црква. Со помош на полицијата, Шаен успеала да лета во хеликоптер. Била на куглање, јавање пони, како и на приватна проекција организирана специјално за неа на цртаниот филм „Finding Dory“.

Откако нејзината приказна била споделена на Фејсбук, илјадници луѓе ѝ излегле во пресрет на Шаен исполнувајќи ја нејзината желба да патува низ светот, фотошопирајќи ја на фотографиите од нивните патувања.

„Секако, нема да биде исто без Шаен во нашите животи, но прославувањето на нејзиниот живот со неа беше прекрасно“.

(О)Милена | Црнобело