Детето кое ви создава најголема главоболка е најмногу слично на вас

Нормално е членовите на семејството понекогаш да се расправаат и да не се согласуваат за сè. Повеќето конфликти се јавуваат меѓу родителите и нивните деца. Интересно е дека детето со кое најчесто имате несогласувања е она што најмногу личи во однесувањето на вас. Зошто е тоа така?

Психолозите веруваат дека станува збор за проекција, односно припишување на сопствените негативни чувства на другите.

Овој одбранбен механизам најчесто се активира кога сме под стрес и кога ни е полесно е да ги обвиниме другите за нашата нервоза, отколку да се соочиме со нашиот сопствен проблем.

Бидејќи децата го наследуваат нашето однесување, било да се работи за генетика или воспитување, природно е честопати да се препознаваме во нив. Ако не ги сакаме нивните постапки, реагираме агресивно, затоа што не сакаме да ги направат истите грешки.

Се разбира, дискутабилно е колку родителите навистина ги гледаат соодветно недостатоците во однесувањето на своите деца, а колку ги проектираат своите.

Во секој случај, родителите треба да бидат објективни кога станува збор за однесувањето на нивните деца. Треба да ги решат нивните фрустрации со размислување за нивните постапки и наоѓање на вистинските причини за фрустрацијата.

Ашера | Црнобело