Последици од задоцнето лекување дијабетес - Што доведува до ампутација?

Со почитување на неколку правила и препораките од лекар, можете да живеете сосема нормален, активен, долг и квалитетен живот ако имате дијабетес. Доколку, пак, забележувате симптоми и не одете на лекар, можете да се соочите со бројни компликации.

Како и кај повеќето други болести, редовните лекарски прегледи се најважни за откривање на дијабетес. Наједноставниот тест на крвта ја покажува вредноста на гликозата. 

Ако е покачена, вашиот лекар најверојатно прво ќе побара следење, а ако покачениот наод се повтори, ќе се посомнева на дијабетес, ќе побара дополнителни тестови и евентуално ќе ве упати на понатамошен третман кај ендокринолог.

Кои се најчестите симптоми на дијабетес?

Постојат неколку видови дијабетес, но првите симптоми се генерално исти.

Дел од најчестите симптоми кои се јавуваат вклучуваат:

• Зголемена жед и чувство на глад
• Сува уста
• Зачестено мокрење
• Главоболка и замор
• Замаглен вид
• Бавно зараснување на рани
• Необично губење или покачување на телесната тежина

Хронични компликации предизвикани од дијабетесот

Дијабетесот може да предизвика низа здраствени проблеми доколку не се лекува соодветно.

Дел од најчестите вклучуваат:

• Компликации со видот - дијабетична ретинопатија
• Бубрежни компликации - дијабетична нефропатија
• Невролошки компликации - дијабетична невропатија
• Кардиоваскуларни компликации - хипертензија, атеросклероза, инфаркт
• Дијабетично стапало

Лекување на дијабетесот

Постојат различни пристапи во лекувањето на дијабетесот кои можат да се прилагодат на индивидуалните потреби на секој пациент. 

Редовните контроли и почитувањето на препораките на лекарите се клучни за успехот на третманот.

Најважно при лекувањето на дијабетесот е промената на животниот стил - промена на начинот на исхрана, физичка активност и контрола на стресот.

Третманот на дијабетес може да вклучува и лекови кои помагаат да се контролира нивото на шеќер во крвта.

Последици од задоцнето лекување на дијабетес

Голем број луѓе, иако знаат или се сомневаат дека имаат дијабетес, доцна одат на лекар. 

Како последица на патолошкиот ефект на долгорочно покачена гликемија на крвните садови, се јавува дифузно прогресивно стеснување на малите и крвни садови или микроангиопатија, но и на големите крвни садови, односно макроангиопатија.

Најчестите микроангиопатски промени се случуваат во окото, бубрезите и нервите, додека макроангиопатските промени се случуваат во срцето, мозокот и крвните садови на нозете. 

Макроангиопатија се карактеризира со промени кои се јавуваат на ѕидовите на крвните садови, што доведува до намалена циркулација во нозете и често формирање на тешко зарасливи рани и гангрена, кои во голем процент завршуваат со ампутации на долните екстремитети.

Затоа, ако кај вас постои и најмал сомнеж дека имате дијабетес, не го одложувате одењето на лекар.

С. Ш. | Црнобело / pexels.com