Зошто ви растат влакна на прстите на стапалата (и кога се знак за проблем)?

Колку и да ги мразите, влакната се сосема природна појава, а не е невообичаено да растат и на места како брадата или, пак, прстите на стапалата. Обично појавата на влакна на овие места, дури и подоцна во животот, не е знак а проблем, но добро е да бидете свесни за можните причини.

Влакната се сосема природна појава, без разлика дали сте маж или жена.

Но, на некои делови од телото, може да биде невообичаено жените да имаат потемни и погусти влакна.

На пример, влакната на брадата може да бидат знак за хормонална нерамнотежа, но некогаш се појавуваат и без некоја конкретна причина.

Друго место на кое жените не очекуваат да почнат да им растат влакна се прстите на стапалата, особено на палците.

Важно е уште на почетокот да нагласиме дека во повеќето случаи, освен што се досадни бидејќи треба да ги отстранувате, влакната на прстите на стапалата не се знак за некаков проблем.

Сепак, во некои ситуации, може да има и некоја скриена причина. Но, во тој случај веројатно би чувствувале и други симптоми.

Па, што ја предизвикува појавата на влакна на стапалата, кај жени?

Генетика

Генерално, генетиката одредува колку ќе бидете влакнести, но и на кои делови од телото ќе ви растат влакна.

Па, ако жените од вашето семејство имале влакна на прстите од стапалата, голема е веројатноста и вие да сте го наследиле тој ген.

Проблеми со јајниците

Јајниците и хормоналната рамнотежа во телото се тесно поврзани.

Па, ако имате некаков проблеми со јајниците, можно е да дојде до нерамнотежа што, пак, може да предизвика појава на влакна на некои делови од телото.

Одредени лекови

Некои лекови можат да имаат влијание врз појавата на влакна. Сепак, во ваквите ситуации поверојатно е растот да биде фокусиран на други делови од телото, а не на стапалата.

Хормоналните лекови, лековите што содржат тестостерон, како и кортикостероидите можат да предизвикаат појава на влакна кај некои лица.

Ако ова е причината, немојте сами да прекинувате терапија, туку секогаш консултирајте се со вашиот лекар.

Проблеми со надбубрежната жлезда

Надбубрежната жлезда лачи хормони, вклучувајќи ги оние познати како андрогени.

Кога нивото на андрогени во организмот се зголемува, тогаш настанува состојба позната како хирсутизам.

Ова е релативно честа состојба која предизвикува појава на влакна кај жените, вклучително и на прстите на нозете.

Знак за добра циркулација

Од друга страна, тоа што имате влакна на стапалата може да биде и знак за добра циркулација.

Ако, пак, влакната почнат да се проретчуваат сами од себе, тоа може да биде знак за проблеми со циркулацијата.

Како да ги отстраните влакната на стапалата?

Како што веќе спомнавме, во повеќето случаи влакната на стапалата создаваат проблем од естетски причини. Па, слободно можете да ги отстраните.

Мжете да ги избричите, но имајте на ум дека тогаш ќе треба да ги бричите многу често – неколкупати неделно.

Бидејќи се во прашање мал број влакна, можете да ги отстраните со пинцета.

Исто така можете да ги отстраните со восок или со машинка за депилација.

Ако сакате потрајно решение, тогаш можете да одите на ласерска депилација.

Спирова С. | Црнобело