5 Здрави начини да го намалите крвниот притисок

Пред да посегнете по лекови пробајте да го регулирате крвниот притисок преку овие 5 здрави начини...

Заштитете си го здравјето и запомнете ги овие здрави совети за намалување на крвниот притисок:

1. Вежбање

Вежбањето му помага на срцето поефикасно да го користи кислородот, па така и полесно пумпа крв. Обидете се да вежбате барем по 30 минути секој ден.

2. Дишете длабоко

Лесното длабоко дишење и медитација го намалуваат нивото на хормоните на стрес, кои пак влијаат врз покачување на крвниот притисок. Секое утро по 5 минути дишете длабоко и при издишување ослободете се од тензијата.

3. Намирници богати со калиум

Во текот на денот треба да внесувате околу 3.000 mg калиум, а истиот ќе го пронајдете во компирот, доматите, бананите и грашокот. Калиумот ќе ви помогне при намалување на крвниот притисок.

4. Намалете го внесувањето на сол

Ова е една од работите која можете да ја промените уште веднаш, а позитивно ќе се одрази на вашето здравје. Во период од само 4 недели намаленото внесување на сол значително ќе го намали вашиот крвен притисок.

5. Темно чоколадо

Консумирањето на темно чоколадо освен што ќе ви донесе вкусно задоволство, ќе го намали и вашиот крвен притисок. Дневно консумирајте 15 g темно чоколадо со најмалку 70% какао.