3 едноставни правила за добра меморија

Голем дел од информациите кои ги примаме во текот на денот воопшто не се вредни за паметење и кога мозокот сè уште е во форма тој добро може да процени што треба да се запомни, а што не.

Така на пример, многу бргу ќе го заборавите стариот пин, а ќе ги запомните новите броеви.

Едно истражување направено од страна на Универзитетот Стенфорд покажува која е важноста на заборавањето.

Со употреба на магнетна резонанса откриено е дека на испитаниците кои се присетуваат на некои важни животни информации, може да им пречат оние помалку важните секојдневни информации.

Но, еднаш кога ќе се присетат, веќе многу полесно може да раководат со таа информација, бидејќи се бришат неважните информации, а остануваат само најважните спомени.

Од друга страна, староста со себе носи и губење на информациите, па постојат 3 едноставни техники кои можете секојдневно да ги практикувате за да ја одржувате меморијата:

1. Одберете на што сакате да се сеќавате

Запрашајте се дали некоја информација ќе ви користи и во иднина. Така на пример, можеби сте запознале некоја личност на забава и постои веројатност дека нејзиното име ќе ви треба во иднина.

2. Максимално искористете ја технологијата

Податоците, адресите, телефонските броеви се работи кои не мора да ги паметите, туку можете да ги чувате во компјутерот или мобилниот.

3. Блокирајте ги непријатните сеќавања

Непријатните сеќавања може лошо да влијаат на вашата ментална острина, па добро е да се ослободите од нив. Кога ќе почувствувате дека навираат одредени непријатни мемории, најдобро е да ги замените со среќните сеќавања.