Со наслаги или вдлабнатини - Како изгледа здравиот јазик, а како вашиот?

Сакате да знаете каква ви е здравствената состојба и од што е предизвикан лошиот здив? Само исплазете го јазикот и погледнете се во огледало, велат сите стоматолози.

Јазикот е место каде се кријат многубројни бактерии кои го создаваат непријатниот мирис на устата. И колку повеќе наслаги има на него, толку полош е мирисот.

Колку и да ви звучи грозно, во устата имате милион живи организми, претежно бактерии кои живеат и опстојуваат на топла и темна средина.

Како да го препознаете здравиот јазик од оној кој укажува на здравствени проблеми и наталожени бактерии?

Здравиот јазик е розов, мазен и чист, без наслаги и линии на него (слика 1).

Јазикот со жолти наслаги кои стануваат сè потемни е знак дека во устата се создаваат сулфурни соединенија (слика 2). Длабоката пукнатина на средина исто е типична за оваа состојба, каде се кријат поголем дел од бактериите.

Грубиот јазик со пукнатини е уште еден знак дека имате лош здив (слика 3 и 4). Пукнатините и браздите се совршено место за развивање на бактериите.

Уште еден тип на јазик е „географскиот“ препознатлив по многубројни вдлабнатини и испакнатини, релјефаст и на места со наслаги, а на места чист (слика 5). Оваа состојба најчесто се јавува како последица од реакција на одредена храна, стрес, болест или хормонални пореметувања.

Некои јазици дури имаат и папили (кои изгледаат како влакна на јазикот). Овој „влакнест јазик “ повторно е место каде се размножуваат најмногу штетни бактерии (слика 6).

Што го предизвикува таложењето на бактериите и лошиот здив?

Некои пасти за заби - Се работи за пасти кои содржат натриум лаурил сулфат кој создава пена, но нема никаква корист за чистење на забите и јазикот. Плус, неодамна беше докажано дека овој адитив може да создаде ситни ранички во устата. Затоа задолжително читајте ги етикетите кога купувате паста за заби.

Храна богата со протеини - Бактериите се хранат со протеини, со што создаваат уште понепријатен мирис.

Сокови - Заради тоа што бактериите создаваат многу повеќе отпад со непријатни мириси во кисела средина.

Благо - Шеќерите создаваат слатка средина во која бактериите полесно опстојуваат, а и го забрзуваат расипувањето на забите, кои се идеално место за размножување на бактериите. Сето тоа завршува со непријатни мириси.

Сува уста - Затоа што сушењето на устата е совршено место за размножување на бактериите.

Цигари и алкохол - Затоа што предизвикуваат сувост на внатрешноста на устата.

Заболување на непцата - Преку болните непца многу полесно бактериите се размножуваат, па дури и навлегуваат во крвотокот.

Лекови - Ја сушат средината во устата, што како што веќе знаете, е идеално за размножување на бактериите.

Нетолеранција на лактоза - Ова може да предизивка мирис на кисело млеко во устата кога јадете повеќе производи на млечна база.