Потребна е само една секунда за да ја почувствувате среќата која ја ослободува прегратката

Топлата блискост на нежност и допир има единствена моќ чие дејство не може да се мери со ништо друго на светот. Прегратката е еден од најдобрите начини да се чувствувате подобро речиси веднаш.

Но, дали некогаш сте се запрашале како всушност прегратката дејствува?  

Науката ќе ви даде одговор за тоа колкава е моќта која се крие зад човечкиот допир.

Кога некој ќе ве допре по телото доаѓа до активација на рецепторите за притисок сместени во кожата, познати како Pacinian corpuscle. Тие рецептори подоцна испраќаат сигнали до вашиот нерв Vagus.

Ваквите дразби прават да се чувствувате добро, бидејќи овој нерв се наоѓа во делот од мозокот кој има голема улога во регулирањето на важни функции во телото, како што е на пример крвниот притисок.

Кога некој ве гушка, доаѓа до намалување на вашиот крвен притисок, како резултат на стимулирање на вагусниот нерв и затоа имате чувство на смиреност.

Допаминот е уште еден важен фактор. Додека некој нè гушка, нашиот мозок ослободува допамин. Допаминот е познат и како „хормон на задоволство“, бидејќи предизвикува чувство на еуфорија, сигурност и општо задоволство.

Резултатите од едно истражување објавено во списанието „Developmental Review“ покажуваат дека прегрнувањето може да го поттикне лачењето на „хормоните на среќа“ во мозокот, а да го намали крвниот притисок и стресот.

Позитивното дејство на прегратката може да биде моментално – односно во рок од само неколку секунди ако допирот е нежен и полн со чувства. Личноста веднаш се чувствува посмирена, бидејќи ѝ се намалува и количината на кортизол, познат како „хормон на стрес“.

Значи ако се чувствувате вознемирени, под стрес или ви треба мало охрабрување, побарајте прегратка или прегрнете некого – за само неколку секунди ќе почувствувате дека вашето тело добило нова енергија и го исфрлило стресот.   

М. С. | Црнобело