Големи митови за здравјето кои беа срушени во 2018-та

Науката и медицината во 2018 година забележаа значаен напредок, благодарение на напорната работа и на технологиите кои овозможуваат да се продлабочат знаењата.

Сите нови истражувања ни помагаат подобро да ги разбереме сите аспекти на нашата здравствена состојба.

Да видиме што сè светот откри за здравјето во текот на изминатите 12 месеци и кои популарни митови беа срушени:

Мит: Кето-диетата помага во долгорочно губење килограми

Секоја година има некоја популарна диета, а кето-диетата дефинитивно ја одбележа 2018-та. Во оваа диета се јаде масна храна, а се отфрлаат јаглехидратите, за да може телото да влезе во фаза на кетоза, односно да согорува масти за енергија.

Многумина изгубиле многу килограми и тврдат дека се чувствуваат подобро од кога било. Сепак, според научните наводи, резултатите не се толку трајни и ако се вратат килограмите, после тоа многу тешко може да се изгубат повторно. Всушност, како и за секоја друга диета, така и околу кето-диетата треба да се консултирате со лекар.

Мит: Треба да вежбате во интервали од 30 минути за да видите резултати

Популарно фитнес верување што доаѓа по тврдењето дека фреквенцијата на вежбање е поважна отколку вкупната количина на направени вежби. Па, така се појавија упатства кои сугерираат да се вежба на интервали од по 10, 20, а како најефикасна се наведува на 30 минути.

Сепак, тоа би значело и дека како физичка активност се брои самото станување од кревет, од биро, одењето во тоалет... Затоа останува на сила веќе познатата препорака за возрасни, кои треба да вежбаат помеѓу 2,5 до 4 часови неделно.

Мит: Глутенот е штетен за сите

Овој мит со години се провлекува низ медиумите, а никогаш не ги губи следбениците, иако многу пати е разбиен. За потсетување, глутенот е штетен само за оние кои се алергични, односно имаат целијакија и проблем со апсорбирањето на хранливите состојки во организмот.

Мит: Постојат специјални очила кои штитат од синото зрачење

Сина светлина, односно сино зрачење, доаѓа од електронските уреди како мобилните телефони, компјутерите, телевизорите и слични на нив. Многу фирми почнаа да продаваат специјални очила кои штитат од влијанието на сината светлина.

Во реалноста, лекот за тоа е поминување што помалку време пред екраните и почесто трепкање.

Мит: Треба да јадете само суперхрана за да бидете здрави

Лосос, кељ, боровинки, овес и така во круг... Сигурно не може да биде здраво. Суперхрана е термин кој може да има различни значења во различни контексти, но најважно за човечкото здравје е во оброкот да има правилно искомбинирани намирници во соодветни количини.

Е. Д. | Црнобело