Како најлесно да си помогнете против сувоста во очите?

На сите ни е познато чувството кога ќе трепнеме и се чувствуваме како под очниот капак да имаме песок, кој ни го гребе очното јаболко. Ова воопшто не е наивна состојба.

Сувоста на очите се случува кога нема доволно навлажнување од солзниот канал, па затоа го чувствуваме тоа непријатно гребење, кое може да биде проследено и се пецкање.

Примарна причина за сувоста може да биде воспаление, кое иако лесно може да се спречи и да се излечи, во меѓувреме е доста непријатно. Оваа инфекција спречува да се создава солзниот филм кој го обложува окото.

Втора причина може да биде и постојаното гледање во компјутерските екрани и мобилните телефони, поради што може да се појави сувоста и заматениот вид. Исто така, жените се поподложни на сувост на окото во споредба со мажите.

Други фактори може да бидат пушењето цигари или престојување во зачадени простории, лошото спиење и секако, лошата исхрана.

Ако овие симптоми ви звучат познато, прочитајте како да си помогнете:

Користете капки за очи

Постојат повеќе видови капки за очи кои можете да ги користите и на своја рака, како на пример вештачките солзи.

Тие исто така ги редуцираат црвенилото и чешањето, а имаат и антивоспалителни својства. Потребно е само на фармацевтот да му објасните што ви се случува, за да може да ви го препорача производот кој ви е потребен. Исто така, не би било лошо и да се консултирате со вашиот лекар.

Применувајте дигитална хигиена

Животите и работата веќе премногу ни се врзани со мобилните телефони и компјутерите, но тоа не значи дека треба да дадете отказ и да го фрлите телефонот.

Наместо тоа, на секои 20 минути гледајте во далечина по 20 секунди. И секако, не заборавајте да трепкате, бидејќи на тој начин природно го стимулирате солзењето.

Погрижете се за исхраната

Ова не можете да го направите преку ноќ, туку потребно е да внесувате мали промени, за да ги намалите воспалителните процеси кои се случуваат во вашето тело. Потребно е да јадете повеќе антиоксиданси, како што се лисестиот зеленчук и цитрусните овошја, како и омега 3 масни киселини.

Е. Д. | Црнобело