Факти за машките телесни течности на кои не е лошо да се потсетите

Ретко кој се чувствува удобно да зборува за телесни течности, но и за нив треба да имаме знаења и познавања.

Кога се мисли на машки телесни течности, најчесто паметот „оди“ кон семена течност, но тука спаѓаат и потта, плунката, урината и крвта, кои во секој случај, се разликуваат од женските.

Ова се неколку факти кои горе-долу ви се познати, но секогаш можете да научите и нешто повеќе:

Потта може да биде привлечна

Иако помислата на пот не е најпријатна на светот, понекогаш токму мирисот на потта е клучен за создавањето привлечност меѓу две личности. Според науката, тоа се случува инстинктивно, како кај животните, кога двете личности меѓу себе препознаваат потенцијален партнер за размножување.

Претсемената течност содржи сперматозоиди

И како таква, иако со доста низок ризик, може да доведе до бременост. Ако не е тоа целта, користете заштита.

Претсемената течност може да содржи и сексуално преносливи инфекции

Сосема логично, бидејќи доаѓа од истото место каде заразените веќе ги имаат инфекциите.

Во ејакулатот може да има траги од урина

Во ејакулатот се содржат мали количини на урина. Кај мажите тоа се случува бидејќи и урината и спермата поминуваат низ истиот канал.

Некои жени се алергични на семена течност

Протеините кои ги содржи семената течност може да предизвикаат алергиски реакции кај жените и ова е сериозен проблем со кој се соочуваат голем број жени во светот.

И другите телесни течности може да заразат со сексуално пренослива инфекција

Овие зарази може да бидат пренесени и преку плунка и пот, иако ризикот е доста помал отколку преку семена течност и крв.

Е. Д. | Црнобело