Окинавска исхрана, начин на живот кој ја „гази“ медитеранската диета

За начинот на живеење и исхрана на јапонскиот остров Окинава сме пишувале и претходно, а всушност, нивниот пример е многу лесен за следење.

Во медиеранската диета најмногу се ценат омега 3 масните киселини, протеините од морската храна, овошјето и зеленчукот. Окинавската диета во принцип се заснова на растенија, кои доаѓаат од локалните бавчи.

Окинава е позната по своите долговечни жители, кои се хранат здраво и тренираат боречки вештини дури и во длабока старост.

Но, дали нивниот начин, иако лесен, може да биде применлив кај нас?

Прочитајте како тие го прават тоа:

Протеини

Окинавците не се вегетаријанци, но повеќе значење даваат на растенијата отколку на месото. Во нивните порции има мали количини свинско месо или риба, а во остатокот се полни со зеленчук, мешунки и алги.

Јаглехидрати

Окинавската и медитеранската исхрана не се соодветни за кето-режимот, бидејќи содржат големи количини здрави јаглехидрати. Во окинавската исхрана јаглехидратите спрема протеините се застапени во сооднос 10:1, а во медитеранската е нешто помал. Сепак и во двете исхрани се јадат и житарици и скробни зеленчуци и овошје.

Нема ориз и тестенини

Иако ги ценат јаглехидратите, жителите на Окинава не јадат бел ориз (ретко интегрален), леб, тестенини и слатки. Јаглехидратите ги добиваат од компири, тиква, соја, грав и леќа. Во медитеранската диета се дозволени лебот и тестенините.

Зеленчукот како основа

И во двата начини на исхрана, зеленчукот е ѕвездата во чинијата. На Окинава се користи локален зеленчук како што е виолетовиот благ компир, сојата, горчливата диња и алгите што личат на гроздови. Но исто така користат и многу моркови, пиперки и други зеленчуци со жолта, портокалова и црвена боја.

Не бројат калории

Нивното мото е едноставно: Јади колку што ти е доволно да се најадеш, но не и да се прејадеш.

Очигледно е дека ваквиот начин на размислувањ еим успева. Истото го применуваат и на Медитеранот.

Е. Д. | Црнобело