Како да ги ублажите болните менструални циклуси?

Менструацијата е нормален, физиолошки феномен кој ѝ се случува на секоја женска личност, а постојат различни типови на болки кои дел од жените ги искусуваат, додека други се „спасени“ од оваа мака. Какви се тие болки и како да ги ублажите?

Етимологијата нè учи дека поимот „менструација“ сам по себе потекнува од латинскиот збор menstruus, кој во превод значи нешто што се случува месечно.

Во просек, првата менструација се јавува од 11 до 17 години. Се повторува месец по месец додека жената не дојде до менопауза.  Жената се среќава со менструацијата околу 40 години.

Важно е да се напомене дека менструацијата е различна кај секоја жена и може да трае од еден до седум дена, а можеби и повеќе.  За тоа време, во просек, една жена губи 4 до 6 лажици крв, или 60 до 90 грама. 

Менструалната течност покрај крв исто така содржи цервикален слуз, вагинални секрети, клетки и парчиња слузница од матката. Болката во овие периоди влијае на секојдневниот живот кај 20 проценти од жените.

Истражувањата велат дека околу 1 од 10 жени имаат толку силна болка за време на менструалниот циклус при што се принудени да ги ограничат своите секојдневни активности еден до три дена секој месец.

Болки при менструален циклус

Како што кажавме, менструацијата односно менструалниот циклус е нормално вагинално крварење кое се јавува како дел од месечниот циклус на жената. 

Многу жени имаат болни менструации, исто така наречени дисменореа. Оваа болка е најчесто придружувана со менструални грчеви, кои се мачнини и стегања во долниот дел на стомакот.

Може да имате и други симптоми, како што се болка во долниот дел на грбот, гадење, дијареја и главоболки.

Периодната болка не е иста како предменструалниот синдром (ПМС). ПМС предизвикува многу различни симптоми, вклучително и зголемување на телесната тежина, надуеност, раздразливост и замор.

ПМС најчесто започнува една до две недели пред да започне вашиот циклус.

Што предизвикува болни менструални циклуси?

Постојат два вида на дисменореа: примарна и секундарна. Секој вид има различни причини.

Примарната дисменореа е најчестиот вид болка во менструалниот циклус.

Тоа е болка којашто не е предизвикана од друга состојба. Причината е обично имањето премногу простагландини, хемикалии кои ги создава вашата матка.

Овие хемикалии прават мускулите на матката да бидат затегнати и релаксирани, што всушност потоа резултира со грчеви.

Болката може да започне еден ден или два пред вашиот циклуа. Обично трае неколку дена, иако кај некои жени може да трае и подолго.

Обично, менструалната болка започнува кога сте помлади, веднаш откако ќе започнете да добивате мензис.

Честопати, како што стареете, болката се намалува, а значително може да се подобри по раѓањето.

Секундарната дисменореа најчесто започнува подоцна во животот.

Таа е предизвикана од состојби кои влијаат на вашата матка или други репродуктивни органи, како што се ендометриоза и миоми на матка.

Овој вид на болка често се влошува со текот на времето. Може да започне пред менструалниот циклус и да продолжи по неговото завршување.

При секундарната дисменореа задолжително треба да се посети лекар.

Постојат повеќе работи кои допринесуваат за намалување на менструалните болки:

Ако пушите - намалете ги цигарите:

Верувале или не, пушењето ја зголемува менструалната болка уште повеќе, што е уште една причина да ги намалите или сосема да се откажете од цигарите.

Јадете здраво

Намалете го кафето и алкохолот за време на вашиот менструален циклус и обидете се да избегнувате преработена и мрсна храна.

Јадете повеќе овошје, зеленчук, житарици, риби (кои се богати со омега-3 масни киселини).

Вежбајте

Тезата дека физичката активност ги зголемува болките е целосно невистинита. Редовното вежбање во менструален циклус е секогаш добра идеја. 

Правете вежби за истегнување за време на вашиот мензис или пешачете за да ја ублажите болката.

Лекови против болки

Лековите против болки кои го намалуваат ефектот на простагландин се ефикасни против менструалната болка.

Овие лекови се нарекуваат нестероидни антиинфламаторни лекови (НСАИЛ) и содржат ибупрофен.

Бидејќи овие лекови го напаѓаат изворот на менструална болка, тие се поефикасни за оваа намена отколку стандардните лекови за болки како што е на пример парацетамолот.

За дозата на употреба консултирајте се со вашиот гинеколог.

Користете додатоци во исхраната

За некои жени, земањето магнезиум, рибино масло, витамин Б1 или Б6 помага во намалување на менструалната болка. 

Другите додатоци кои можат да помогнат се црниот кохош, маслото од јаболко и див бибер (Vitex agnus castus).

Најдобри чаеви во оваа прилика се камилица, маточина и мудрец.

Релаксирајте се

Топлата бања со етерични масла за релаксирање (на пример лавандата) може да ги релаксира мускулите.

Внимавајте како се облекувате

Како по правило, треба да се облекувате добро, во неколку слоеви и да одржувате топлина низ целото тело.

Топли обвивки околу стомакот исто така можат да бидат од помош.

Во случај на сериозни грчеви, избегнувајте да стоите

Многу жени сметаат дека лежењето во положба на фетусот е полесно. Легнете на грб, свиткајте ги колената кон градите и прегрнете ги рацете.

Обидете се да не размислувате на болката

Забавни активности што го одвлекуваат вниманието од болката се корисни, колку и да мислите дека нема да ви помогнат.

Мила М. | Црнобело