14 работи што треба да ги знаете за луѓето кои се обидуваат да ја скријат својата анксиозност

Иако анксиозноста е еден од најраспространетите проблеми со менталното здравје, таа сè уште претставува табу-тема.

Повеќето луѓе кои страдаат од анксиозност го кријат овој факт, плашејќи се дека ќе бидат осудувани. Поради ова, многумина патат од таканаречена скриена анксиозност, која сепак има влијание врз нивното однесување и нивниот начин на размислување.

Затоа, добро би било да знаете низ што сè минуваат овие луѓе за подобро да ја сфатите нивната состојба и барем да не им отежнувате ако не можете да помогнете.

Погледнете ги 14-те работи што треба да ги знаете за луѓето кој ја кријат нивната анксиозност:

1. Не ја кријат анксиозноста, туку се обидуваат да ги скријат симптомите. Овие луѓе можеби ќе ви кажат дека страдаат од анксиозност, но ќе дадат сè од себе за да ги скријат нивните симптоми. Поради ова може да ви се чини како да немаат никаков проблем.

2. Неретко чувствуваат анксиозност поради самото нарушување. Бидејќи се свесни за својата состојба и нејзиното влијание, овие луѓе се во постојан страв дека анксиозноста ќе ги „нападне“ кога се надвор од дома.

3. Не се асоцијални. Луѓето со анксиозност сакаат да излегуваат и да се дружат со другите, но неретко нивната состојба не им го дозволува ова. Едноставно, некогаш им е премногу тешко да бидат опкружени со други луѓе, особено ако знаат дека некој ќе забележи дека нешто не е во ред.

4. Понекогаш си ја влошуваат ситуацијата бидејќи ги потиснуваат нивните чувства. Луѓето со анксиозност не сакаат да бидат сожалувани и секогаш ќе направат компромис само за да ги скријат нивните симптоми. Тие дури и ќе ги премолчат работите што не им се допаѓаат, само за да нема конфликти, но честопати ова прави да се чувствуваат уште полошо.

5. Премногу се свесни за нивното опкружување и имаат многу развиена интуиција. Стравот е нормална појава која нè тера да бидеме свесни за нашето опкружување. Луѓето со анксиозност речиси константно чувствуваат страв, и поради ова се многу посвесни, а со тоа и почувствителни на нештата што се случуваат околу нив.

6. Најчесто состојбата им се влошува на места со многу луѓе, најмногу поради претераното размислување. На пример, нив не им е страв дека ќе го паднат испитот, туку страв им е дека ќе паднат пред другите и ќе ги разочараат сите.

7. Не се справуваат само со чувството на страв. Луѓето кои страдаат од анксиозност постојано се грижат нешто, од секоја постапка го очекуваат најлошиот резултат, не можат да се релаксираат… Всушност, тие постојано водат војна со нивните мисли.

Продолжува на следната страница...