7 знаци дека се грижите за своето ментално здравје и никому не треба да се извинувате за тоа

Не дозволувате да врескаат по вас – врескањето влијае негативно на вашиот нервен систем и јасно им кажувате на луѓето да ви се обраќаат со смирен тон, дури и кога ви посочуваат што сте погрешиле.

Како што секој ден имате некои навики за физичка хигиена како миење на заби и туширање, така треба да имате и навики за „психичка хигиена“.

Мора да внимавате на своето ментално здравје и да се грижите за себе.

Многу луѓе оваа нега ја запоставуваат, а таа е клучна за квалитетен начин на живот.

Навики кои покажуваат дека се грижите за своето ментално здравје и за кои не треба да се извинувате никому:

- Си давате одмор и време за себе – без разлика дали тоа за вас подразбира мрзеливо лежење во кревет или прошетка сами во парк.

- Си дозволувате мали задоволства – од парче од омилената торта до квалитетно кафе, секој ден си приредувате мали мигови на радост.

- Не дозволувате да врескаат по вас – врескањето влијае негативно на вашиот нервен систем и јасно им кажувате на луѓето да ви се обраќаат со смирен тон, дури и кога ви посочуваат што сте погрешиле.

- Им верувате на своите емоции – знаете точно како се чувствувате во врска со некоја ситуација или човек и кои се вашите причини за тоа, доследни сте на себе и не потпаѓате под туѓи влијанија.

- Зборувате гласно за своите чувства – не ги криете чувствата и сите се свесни кога сте нервозни, кога тажни, кога вљубени, знаете дека покажувањето на емоциите е нормално и здраво.

- Прекинувате комуникација со непријатни луѓе – од лошиот сосед до завидливата пријателка, вие сте свесни дека животот е еден и нема потреба да си го загорчувате со мрачни луѓе, полни со негативна енергија.

- Се штитите себеси од непотребни информации – телевизија, интернет, радио, бомбардирани сме со политика, негативни вести, трачеви, но вие се фокусирате само на тоа што ве интересира и ги игнорирате иритантните информации за да не ви го расипат денот.

С. С. | Црнобело