Едноставни трикови и совети кои ќе ви помогнат да заспиете побрзо ако имате несоница


Едноставни трикови и совети кои ќе ви помогнат да заспиете побрзо ако имате несоница

Многу луѓе имаат проблеми со спиењето – некои воопшто не можат да заспијат со часови, а некои се будат во текот на ноќта, и тоа по неколкупати.

ednostavni-trikovi-i-soveti-koi-kje-vi-pomognat-da-zaspiete-pobrzo-01.jpg

Ако имате сериозен проблем со спиењето и ги чувствувате последиците од тоа, најдобро е да се консултирате со лекар, кој ќе ви помогне да ја откриете причината за проблемот.

Истовремено, ако причината за несоницата се стресот и анксиозноста, можете да пробате неколку едноставни трикови што барем малку ќе ви помогнат да се релаксирате и побрзо да заспиете навечер.

Од спиење во студена соба, па сè до стомачно дишење, погледнете кои трикови и совети можат да ви бидат од корист:

Трик за брзо релаксирање

Ако се чувствувате напнато и поради тоа не можете да заспиете, постои навистина едноставен трик што ќе ви помогне да се релаксирате.

Почнувајќи од стапалата, па сè до лицето, треба да ги стегнете мускулите од секоја мускулна група, а потоа да се опуштите. На пример, прво стегнете ги мускулите на стапалата и долниот дел од нозете, држете 5 секунди, па опуштете се. Потоа продолжете со мускулите во горниот дел од нозете – стегнете ги 5 секунди, па опуштете ги.

Направете го ова за сите мускулни групи и веднаш ќе забележите разлика.

ednostavni-trikovi-i-soveti-koi-kje-vi-pomognat-da-zaspiete-pobrzo-02.jpg

Спијте во студена соба

Ако имате навика да спиете во многу топла просторија, можеби треба да го промените ова. Според експертите, многу подобро ќе се наспиете во поладна просторија, со температура од околу 18 степени. Причината за ова е едноставна – во природата, навечер температурата е секогаш пониска, па нашето тело е „програмирано“ на овој начин.

Затоа, ако не можете да заспиете, обидете се да ја изладите просторијата навечер.

ednostavni-trikovi-i-soveti-koi-kje-vi-pomognat-da-zaspiete-pobrzo-03.jpg

Избегнувајте ги дремките после 15 часот

Многу луѓе без проблем заспиваат навечер дури и ако дремат во текот на денот, но ако имате проблеми со несоница, најдобро би било да ги избегнувате дремките.

Односно, ако се почувствувате уморно во текот на денот, немојте да дремете повеќе од 20-тина минути. Истовремено, немојте да дремете после 15 часот ако вечерта сакате да заспиете порано.

ednostavni-trikovi-i-soveti-koi-kje-vi-pomognat-da-zaspiete-pobrzo-04.jpg

Стомачно дишење за релаксација

Ако сте анксиозни или под стрес, сигурно дишите плитко и неправилно. Затоа, овој трик ќе ви помогне барем малку да се релаксирате. Оваа техника е позната како 4-7-8 и е всушност таканаречено стомачно дишење.

Најпрво издишете го целиот воздух. Потоа вдишувајте низ носот 4 секунди, така што ќе ви се подига стомакот. За да се осигурите дека вдишувате правилно, ставете ја раката на стомакот за да го почувствувате подигањето. Држете го воздухот 7 секунди, а потоа издишувајте 8 секунди низ устата. Повторете околу 4 пати.

ednostavni-trikovi-i-soveti-koi-kje-vi-pomognat-da-zaspiete-pobrzo-05.jpg

Спијте со повеќе перници

Ако чувствувате неудобност или болка во рамото, а не можете да спиете на стомак, обидете се да спиете на две перници. Ставете ги перниците една врз друга, како на илустрацијата, и на овој начин ќе направите простор за раката и нема да создавате многу притисок на рамото.

ednostavni-trikovi-i-soveti-koi-kje-vi-pomognat-da-zaspiete-pobrzo-06.jpg

Пишувајте

Некои истражувања покажале дека пишувањето, односно водењето дневник може да ви помогне да се справите со стресот и анксиозноста што ги чувствувате навечер.

Доволно е да одвоите 15-тина минути и да запишете како ви поминал денот. Фокусирајте се на убавите нешта, но и на вашите чувства во текот на денот.

ednostavni-trikovi-i-soveti-koi-kje-vi-pomognat-da-zaspiete-pobrzo-07.jpg

Повторувајте си ја фразата „Не размислувај“

Ако не можете да заспиете поради мислите кои ве мачат навечер, со овој трик ќе си го оттргнете вниманието од нив.

Ова можете да го направите и со медитација, но ако не можете да се ослободите од негативните мисли, фокусирањето на една фраза, како „Не размислувај“, дефинитивно ќе ви биде од помош.

ednostavni-trikovi-i-soveti-koi-kje-vi-pomognat-da-zaspiete-pobrzo-08.jpg

Дајте ѝ шанса на акупресурата

Иако нема цврсти докази за ефикасноста на акупресурата, многу луѓе тврдат дека им помага, па не губите ништо ако пробате.

Постојат неколку точки за акупресура на телото кои наводно ќе ви помогнат да се релаксирате. Една од нив се наоѓа веднаш под дланката, во линија со малиот прст (илустрацијата лево). Втората се наоѓа на внатрешната страна, околу три прста под зглобот на дланката (илустрацијата десно).

Нежно масирајте ги овие точки на двете раце, околу 3 минути.

ednostavni-trikovi-i-soveti-koi-kje-vi-pomognat-da-zaspiete-pobrzo-09.jpg

Спирова С. | Црнобело

Би можело да ве интересира:

Трикови со кои ќе ја одржите формата на телото и по 40-тата Веќе на сите ни е добро познато дека после 40-тата, метаболизмот почнува побавно...
Што ќе ни се случи ако никогаш во животот не видиме сонце? Научно е докажано дека сонцето има големо влијание врз расположението на луѓето,...
10 трикови за стапалата и чевлите да ви бидат здрави и во одлична форма Не дозволувајте вашите чевли да се допираат до другите чевли вака спречувате шир...

Најчитани неделава

sonovnik-sidebar.jpg