„Кога почнав да настапувам на конги, рацете ми беа потечени после секој настап и ми требаа 2-3 дена додека да ми помине болката целосно, ми се правеа и плускавци и модрици. Еднаш толку ме понесе атмосферата што удрив силно со палецот и белегот ми стои веќе трета година“, вели Ваце Бонга, кој веќе 4 години прави латино забави.

„Желба на речиси секој галичанец е да направи Галичка свадба, така што желбата и идејата биле отсекогаш присутни кај Јован и неговото семејство. Но, во текот на нашата врска успеа таа желба да ми ја пренесе и мене, па така заедно одлучивме да се пријавиме за зет и невеста оваа година“, споделува Лилјана Михајлоска (25) за CRNOBELO.com.

Игрите со дедо се лекции за цел живот, а врската дедо-внук е нераскинлива. Леон (3) е момче од Скопје кое ја има среќата да расте покрај двајцата дедовци и да впива приказни и искуства од нив. „Секој дедо му ја пренесува на Леон својата јака страна, дедо Кире, спортски дух и топла насмевка, дедо Зоки, мудрост и приказни од светот“, споделува Моника Ризовска од Скопје за CRNOBELO.com, мајката на Леон.

„Крајниците се дел од имунолошкиот систем, ако се често болни тогаш се повеќе штетни за самиот организам. По нивно отстранување има други механизми на имунолошка одбрана. Предоперативно детето треба да е здраво за да не настанат компликации. Навидум рутинска интервенција, но мора да нагласам дека е интервенција со голем ризик“ - д-р Маја Кирјас, хирург-оториноларинголог за CRNOBELO.com на тема воспалени крајници и нивно отстранување.

„Пред несреќата неколку месеци и после несреќата имам дупка во помнењето - не се сеќавам на ништо, само знам дека пред да појдам на фудбал, излегла сопругата на тераса и сум ја бакнал во стомак“, вели Владимир Дончевски (37) од Скопје за најтешкиот миг во неговиот живот, но и како денес е среќен што сето тоа е зад него и води активен животен стил.

„Јас веста ја дознав на 16 години, мислев дека од почетокот до дијагнозата поминале месеци, но мајка ми ми раскажа дека всушност биле години во прашање. На почетокот бев многу гневна и лута на светот, не знаев како да се соочам и да си објаснам на себеси зошто баш јас. Марио е оној кој ми помогна да се помирам со мојот синдром и да го сфатам како дел од мене, да сфатам дека не сум фалична. Во секое време бил тука да ме утеши и да ми покаже колку ме вреднува без разлика на сè, а зборовите кои најмногу ме радуваа биле: 'Престани да се стресираш без потребно кога знаеш дека ќе имаме совршени дечиња'“ - раскажа за CRNOBELO.com Исидора Арнаудова. 

„Кога го снимивме видеото за свадбата сè уште не бевме заедно, беше шега, но многу луѓе поверуваа дека сме во брак. Добивавме честитки, но и неколку лути коментари од роднини кои беа навредени зашто не биле поканети на 'свадбата',“ - велат Ева и Александар за CRNOBELO.com за својата љубов, која почна пред 1 година.

„На животните им даваме „награди" за да почувствуваат дека се сакани. Омилени им се кикиритките. Исто така, тие ја чувствуваат енергијата и пред нив мора да сме сталожени и позитивни, за и тие да се почувствуваат смирено во наша близина“, вели Зера Бекировска (46) од Скопје, негувателка во Скопје ЗОО.

„При ноќното трчање на влез во Словенија ни се расипаа ламбите за на глава. Само што ги променивме, почнаа да вијат волци од двете страни на планината. Никаде немаше светло, стравот беше голем, па го забрзавме ритамот, демек ќе им побегнеме на животните“ - вели Филип Поповски, кој со својата екипа 091RunCrw, учествуваше во екипната трка EuroTrip.

„Најголемиот предизвик по операцијата ми беше одењето исправено. Препорака е првиот месец да се оди со наведнато движење, поради можност од пукање на конци фронтално или позади, бидејќи кај мене станува збор за интервенција од 360 степени“, вели за CRNOBELO.com Ивона Јо, која во јануари извади 11kg кожа и вишок масти од стомакот.

„На третиот ден од одморот, се лизнав на мокар под пред базенот од нашата вила во Убуд. Во моментот изгледаше како само силен пад, но следниот ден, после долг ден шетање низ Убуд, болката стана неподнослива. Вечерта завршив во болница - дијагнозата: скршено стапало“, споделува стјуардесата Ана Колевска за CRNOBELO.com и открива каков третман добила таму.

„Мислам дека на моменти звучев арогантно, веројатно од некој скриен страв од нова врска. Кога сметав дека сум дала одговор на порака на кој никогаш нема повеќе да ми пише, тој ми возврати со „те обожавам“. Мислам дека малку повеќе се потруди, но, тука реално ме освои“, вели Сања за CRNOBELO.com, за љубовта со Перо Антиќ.

„Образовниот систем се базира на индивидуален пристап кон секое дете, со акцент на практични вештини, па моите деца знаат да шијат, плетат, да готват, зашто еднаш неделно имаат часови по готвење. Но, ако нема соодветно оправдување зошто детето не е на училиште, казните можат да бидат и преку 1000 евра“ - вели Зорица Ристов која веќе 4 години живее близу Хановер.

„Никогаш не заборавајте да го заштитите скалпот. Исто како кожата на телото, и скалпот е чувствителен на сонце и може лесно да се оштети или изгори при подолга изложеност на УВ зраци“, вели познатиот фризер од Струмица.

„Додека студирав, политиката ми беше главен фокус и имав можност да работам на неколку изборни кампањи. По завршување на студиите, се вработив како адвокат во адвокатска фирма специјализирана за имотноправни трансакции“, вели за CRNOBELO.com, Кјара Гоља, која пред 10 години се пресели во Нов Зеланд.

„Јас ја напуштив својата држава со цел да најдам подобар живот и очигледно тоа го најдов во вашата земја. Во Македонија живеам веќе 7 полни години и избрав да останам бидејќи тука сум среќен, чувствувам некој мир, најдов доста пријатели како преку професијата...“, вели Али Риза Куреши (27) од Пакистан, кој работи како судски преведувач во Скопје.

„Ме освои со тоа што е сталожен и сигурен во себе, но не монотон. Има мир во него, ама и живот. Ја има таа смисла за хумор што не е наметлива, туку точно на место. Се грижи за себе, изгледа убаво, но уште поважно, знае да се грижи за луѓето околу него...“, вели некогашната каратистка Моника Стефановска (33) за својот сопруг Илија Мартиноски, тениски тренер по професија.

„Првите тренинзи беа пекол. Срцето чукаше како тапан, нозете ми се тресеа“, вели за CRNOBELO.com шеф Никола, кој за сто дена со многу напор од 116kg ослабна на 86kg.