Никола Роквиќ пешачи од Струмица кон Валандово, утре ќе стигне во Грција – струмичани му подарија ајвар и икона
- Детали
- вторник, 07 мај 2024
„Во Македонија отсекогаш се јадело добро“ – вели на шега пејачот Никола Роквиќ кој денес пешачи од Струмица кон Валандово, а планира утре да стигне во Грција. Се пофали дека за 16 дена успеал да собере 16 милиони српски динари за својот хуман подвиг.
Српскиот пејач Никола Роквиќ на 22-ри април го започна својот хуман подвиг, да помине пеш 1.060km од црквата Св. Сава во Белград до манастирот Нектариј Егински во Егина, Грција.
Целта му е да ја зголеми свеста на луѓето за потребите на децата болни од рак и да собере пари за да се купи апарат за дијагностицирање рак на мозокот кај децата за Клиниката за детска онкологија во Белград, кој чини околу 200.000 евра.
Велигденските празници ги помина со семејството во Македонија, па објави и фотографии на кои позираат пред црквата Свети Архангел Михаил во Штип.
Денес (07.05), Никола веќе пешачи од Струмица кон Валандово.
Во својата последна објава Никола рече дека утре би требало да стигне во Грција и дека веќе се собрани 16 милиони српски динари (околу 136.000 евра).
А како што може да се види од објавите на Инстаграм Стори, струмичани побрзаа да го поздрават хуманиот подвиг на српскиот пејач.
Никола доби ајвар, сендвич и икона, а попатно застануваше и да се поздрави со случајните минувачи.
„Во Македонија отсекогаш се јадело добро“ – се пофали пејачот.
Инаку, денес е посебен ден за Никола затоа што слави годишница од бракот со сопругата Бојана со која ја формираше фондацијата Porodica.
Тој на Инстаграм објави фотки од нивната венчавка, а до нив напиша:
„На денешен ден, пред 8 години под крилјата на Белиот ангел во нашата Милешева се заколнав на вечност на мојот најдобар пријател и на мојата подобра половина, која ми ги роди најубавите љубови и радости... Те сакам!“
Б. С. Б. | Црнобело
Би можело да ве интересира:
Препорачуваме
Најчитани неделава
