Александра Шијакоска со свршеникот гордо позира во креација на битолска дизајнерка: „Заедно го направивме ова ремек-дело“

Детали

недела, 11 јуни 2023

„Минатата година не можев да присуствувам на настанот, но оваа година со задоволство ја прифатив поканата“ – напиша до фотографиите од настанот нашата инфлуенсерка, Александра Шијакоска. Убавата битолчанка гордо позираше заедно со нејзиниот свршеник Едмонд.

Во текот на вчерашниот ден (10.06) во Битола се одржа креативен ден, посветен на промоција и афирмација на модата и поддршка на стручното образование, во организација на текстилната струка на СОУ „Таки Даскало“ и Културно информативниот центар Битола, на кој присуствуваше и нашата инфлуенсерка Александра Шијакоска.

Шијакоска на својот Инстаграм профил сподели повеќе фотографии од креацијата што ја носеше на настанот, а во описот откри дека за неа биле задолжени нејзината дизајнерка од детството, Цаци Јанкуловска и ученичка од текстилната струка.

„Многу сум среќна кога се случува нешто убаво во Битола, а уште посреќна кога можам да бидам дел од истото. Минатата година не можев да присуствувам на настанот, но оваа година со задоволство ја прифатив поканата. Креативен ден со најкреативните професорки, студенти и тимот на @soutakidaskalo_tekstilnastruka во соработка со битолски дизајнери.

Во тим со мојата дизајнерка од детство @jankulovskacaci и ученичка на текстилна струка @ajdinii_ го направивме ова ремек дело. Цаци го направи, ние дадовме по некоја идеја. Многу е важно да се цени локалното и да си ги поддржуваме нашите дизајнери, а работа и идеи има за секој кој сака да работи и креира нешто“ – напиша таа.

На некои од фотографиите, убавата битолчанка позира со нејзиниот свршеник Едмонд, кој неодамна ја побара за сопруга и ѝ организираше романтично запросување во Солун.

Во продолжение погледнете ги фотографиите на Шијакоска од настанот:

Б. С. Б. | Црнобело