Гаро Тавитијан со емотивна објава за соученикот Славиша Кајевски: „На еден час по Македонски јазик седевме заедно“
Спонзорирано од:
Спонзорирано од ОгласиЗаРабота.мк
монтер 18-01-2022


Гаро Тавитијан со емотивна објава за соученикот Славиша Кајевски: „На еден час по Македонски јазик седевме заедно“

„Мој соученик во исто одделение во основното школо Владимир Илич Ленин (Гоце Делчев) во центар. На еден час по Македонски јазик седевме заедно и добивме училишна задача да напишеме расказ. Славиша со темпераментен дух заинтересирано духовито...“, ја почнува емотивната приказна Гаро Тавитијан за прерано починатиот Славиша Кајевски.

garo-tavitijan-so-emotivna-objava-za-souchenikot-slavisha-kajevski-na-eden-chas-po-makedonski-jazik-sedevme-zaedno-01.jpgфото: Фејсбук Гаро Тавитијан

Денес (02.12) почина нашиот актер Славиша Кајевски на 39-годишна возраст.

„Остана да замислуваме што уште можеше да направиш во животот, на театарската сцена и пред камерите!“, напишаа од МНТ за талентираниот актер

Гаро Тавитијан сподели емотивна објава на Фејсбук за Славиша, неговиот другар од основно училиште:

„Мој соученик во исто одделение во основното школо Владимир Илич Ленин (Гоце Делчев) во центар. На еден час по Македонски јазик седевме заедно и добивме училишна задача да напишеме расказ. Славиша со темпераментен дух заинтересирано духовито се занимаваше со соучениците и скокотливи шали, тивки насмевки кои одат кон тивка кулуминација (за да не те слушне наставничката) и дојде моментот кога наставничката го примети Славиша дека ги анимира и засмејува соучениците и го крена токму него на час да го прочита својот расказ.

Јас ја погледнав неговата тетратка во тој момент и гледам дека освен наслов и училишна работа друго нема ништо на хартијата, нема текст и нема расказ. Славиша станува и јас помислив дека сега ќе каже дека нема напишано ништо и ќе се извини, но тој почна во момент да рецитира и да чита од празната голема тетратка еден најпрекрасен расказ и тоа течно и со бујна имагинација во самиот момент, неверојатен расказ.

Неверојатен талент и капацитет на повеќе полиња.

Урбан градски лепотан.

Математика му одеше многу јако како предмет, беше ученик со генијална интелегенција, човек син на воено лице и дисциплината му беше императив во секоја смисла, а ведриот дух и харизма незаменливи. Беше неверојатно енергичен со огнена енергија.

Потоа животот ни отиде на различни страни (се отвори светот за да се отпатува во секоја смисла со телото и духот и тоа на сите ни го одзема времето) и иако не бевме во честа комуникација секогаш кога ќе го видев на некој настан се потсетувавме на деновите во основно. Гледав театарски претстави со Славиша бидејќи еден период правев музика за претстави и Славиша како култен актер беше секогаш секаде обожаван и присутен.

Другару драг непреболен и легендо почивај во мир!“

И другите познати личности му оддадоа последна почит на Славиша - „Каков удар сине!“ - Македонските познати личности со емотивни објави по смртта на актерот Славиша Кајевски

С. С. | Црнобело

Би можело да ве интересира:

Човекот со убава душа секогаш ќе ја пронајде убавината во другите луѓе Велат таа има насмевка која го осветлува денот, секогаш расположена, полна со ен...
Не мора да се видиме за да испиеме кафе заедно На нас останува да најдеме начин да бидеме блиски и безбедни, без притоа да се о...
Писмо полно љубов до саканата личност од Скопје сити мол Добро утро, дури и в кревет, моите мисли копнеат по тебе, бесмртна моја љубена, ...

Најчитани неделава

sonovnik-sidebar.jpg