Македонка ослабе 38kg: „Никако не собирав сила да излезам од комфор зоната“

Детали

понеделник, 13 декември 2021

„Ми беше удобно, вкусно и топличко, без разлика што после секое прејадување до степен да не можам асално воздух да земам беше проследено со осудувачки погледи во огледалото и секогаш си го поставував истото прашање: „До кога?“...“, искрено раскажува Кике Цветче, девојката која успеа да ослабе неверојатни 38 килограми со исхрана и вежбање.

Кике Цветче е македонска јутјуберка која слабее на здрав начин со режим на вежбање и исхрана.

Таа храбро ја води битката со сама себе и стигна до резултат од минус 38kg, а објави и фотографии од трансформацијата досега.

За својот пат и трансформацијата Кики Цветче искрено проговори:

„Отсекогаш сум гледала и читала за вакви трансформации и сум знаела што треба да направам за да ми се случи и мене истото, ама сум ја учела теоријата. Во пракса сум заминувала во сосема спротивната насока.

„Да си посветиш на себеси една година од целокупниот живот за да направиш таква промена е стварно мал временски период“, нонстоп си повторував во себе, ама никако не собирав сила да излезам од комфор зоната во којашто се имав завиено. Ми беше удобно, вкусно и топличко, без разлика шо после секое прејадување до степен да не можам асално воздух да земам беше проследено со осудувачки погледи во огледалото и секогаш си го поставував истото прашање: „До кога?“

Првиот одбранбен потег во таа битка помеѓу јас и јас беше утехата дека сепак сум уживала во тоа, дека ми е вкусно и дека не треба да си ги ускратувам задоволствата во животот. Многу мазохистички пристап.

Сега, година и некој месец подоцна, научив правилно да уживам во храната, со тоа што мораше претходно да научам да уживам во себе.

Сепак, трансформацијата не е вечен процес и со сигурност можам да кажам дека мојата трансформација е веќе направена. Тоа што се гледа однадвор е релативно и различно во сечии очи, но промената на егзистенцијалната перцепција е трансформацијата кон која целев.

-38“

Прочитајте и Македонка драстично ослабе и ги покажа стриите одблизу: „Oколината ме воспиталa дека стриите се грди“

Нејзината трансформација:

С. С. | Црнобело