Роналдо ѝ го честита 1-иот роденден на ќеркичката која го загуби близнакот при раѓањето: „Тато те сака многу“
- Детали
- вторник, 18 април 2023
Најмалата ќерка на Кристијано Роналдо и Џорџина Родригез денес го слави својот прв роденден, а ова воедно е годишнина од денот кога семејството истовремено ја доживеја и најголемата тага по загубата на синот за време на породувањето. Роналдо објави фотка со ќеркичката со емотивен опис.
Кристијано Роналдо на својот Инстаграм профил објави фотографија со која ѝ го честита роденденот на ќеркичката Бела Есмералда, до која напиша:
„Честитки за првата година од животот љубов моја. Тато те сака многу“.
Бела Есмералда се роди на 18-ти април минатата година, а за жал нејзиниот брат близнак почина на породувањето.
Кристијано Роналдо во неколку наврати говореше за болката што во тој миг ја почувствувал како татко, па рече:
„Тоа е лудост. Се обидов да им го објаснам чувството на некои од моите пријатели и роднини. Никогаш не сум чувствувал истовремено среќа и тага.
Многу е тешко, не знаеш дали ќе почнеш да плачеш или ќе се смееш во следниот момент. Тоа е нешто на што не знаеш како да реагираш“ – рече Роналдо.
Во својот документарен филм I am Georgina, Џорџина исто така зборуваше за загубата на синот:
„Годинава ги почувствував најубавиот и најлошиот миг одеднаш. Животот е тежок. Животот оди понатаму. Имам причина зошто да продолжам понатаму и да бидам силна. Во моментов мој приоритет ми се семејството и децата. Многу сум среќна и благодарна.“
Инаку, Роналдо има 5 деца. Ќерките Алана (5) и најмалата Бела Есмералда ги доби од врската со Џорџина Родригез, а има уште три деца од сурогат мајки: Кристијано Џуниор (12) и близнаците Ева и Матео (5).
Прочитајте и Џорџина за смртта на синот: „Се откина огромен дел од моето срце – немав сила да продолжам“
Б. С. Б. | Црнобело
Би можело да ве интересира:
Препорачуваме
Најчитани неделава
