„Се плаши дека нема да ја дочекам нејзината свадба“ – Мајкл Даглас за ќерката Карис, која блесна во Кан (фото)

Детали

среда, 17 мај 2023

„Ќерка ми ми вели дека се плаши дека нема да бидам тука кога ќе се омажи, а мене ми се плаче“ - со овие зборови актерот Мајкл Даглас го опишува односот меѓу него и неговата ќерка Карис. Таа за првпат се појави на црвениот тепих во Кан со своите славни родители, а сите погледи беа вперени во неа.

Вчера (16.05.2023) свечено беше отворен Канскиот филмски фестивал, а на црвениот тепих меѓу големиот број холивудски ѕвезди, се појави и Мајкл Даглас (78), придружуван од сопругата Кетрин Зита-Џонс (53) и ќерката Карис (20).

Карис (20) на себе носеше елегантна тоалета од тантела со отсечоци, а мајка ѝ, Кетрин, во црвената тоалета со смело деколте, покажа дека и во шестата деценија блеска и сѐ уште важи за една од најубавите жени во Холивуд.

Додека позираа пред фотографите, Карис и Кетрин во еден момент го бакнаа Мајкл во образ и оваа фотографија вирално се прошири.

Прочитајте и Мислеле дека Мајкл Даглас ѝ е дедо, ја наследи убавината од мама – Како изгледа ќерката на Кетрин Зита-Џонс?

Инаку, Мајкл и Кетрин, кои привлекуваат внимание заради големата разлика во годините, заедно имаат уште еден син, Дилан (22).

Во една прилика, Мајкл отворено зборуваше за тоа како неговата дијагноза за рак на грлото во 2010-тата година се одразила врз неговите деца.

Во тој период Мајкл привлече внимание со тврдењето дека ракот го добил како последица на орален секс, а мораше да помине терапија со радијација и хемотерапија, по што ја победи болеста.

„Навистина е чудно, знам, но за време на целиот период додека траеја хемотерапијата и радијацијата, воопшто не помислив дека би можел да умрам“ – рече тој во една прилика.

Продолжува на следната страница...