Разликата во години не им е прeчка: Славни парови чии бракови траат подолго од очекувањата

Детали

недела, 05 ноември 2017

Во светот на познатите, врските и браковите помеѓу постари мажи и помлади жени не се реткост. Сепак, во повеќето случаи - нивниот рок на траење е мошне краток. Но, постојат и исклучоци, кои со долговечната љубов ѝ пркосат на статистиката, но и предвидувањата на злобните јазици.

Љубовта не познава граници, но големата разлика во години помеѓу сопружниците, останува и понатаму тема со поделени мислења во јавноста.

Мноштво успешни бракови во Холивуд се меѓу парови кај кои жените се по дваесетина години помлади од своите сопрузи. Љубовта, парите, заедничките интереси и погледите на светот, претставуваат само дел од работите кои ги поврзуваат таквите двојки.

Британскиот музичар Род Стјуарт, судбоносното „да“ го кажа двапати во животот. Првиот брак му беше со 25 години помладата Рејчел Хантер, а траеше цели 16 години, од 1990 па сѐ до 2006. Една година подоцна, тој заплови во брачните води со Пени Ланкастер. Во тој момент, познатата манекенка и фотографка имаше 35, а Стјуарт 62 години.

Уште еден од рекордерите во Холивуд е и 86-годишниот актер Роберт Дувал, кој веќе 12 години е во брак со 45-годишната глумица Лусијана Педраза.

Наспроти сомнежите на скептиците, овие парови докажуваат големата разлика во годините не им е препрека, за нивните бракови да бидат успешни на долги стази.

Во продолжение, прочитајте кои се брачните двојки што останаа заедно, многу подолго од очекувањата:

1. Алек Болдвин (59) и Хиларија Томас (33)

Години во брак: 2012 – денес

2. Ворен Бити (80) и Анет Бенинг (59)

Години во брак: 1992 – денес

3. Род Стјуарт (72) и Пени Ланкастер (46)

Години во брак: 2007 – денес

4. Стив Мартин (72) и Ен Стрингфилд (45)

Години во брак: 2007 – денес

5. Питер Брент (70) и Стефани Сејмор (49)

Години во брак: 1995 – денес

6. Силвестер Сталоне (71) и Џенифер Флавин (49)

Години во брак: 1997 – денес

8. Мајкл Даглас (73) и Кетрин Зита Џонс (48)

Години во брак: 2000 – денес

8. Роберт Дувал (86) и Лусијана Педраза (45)

Години во брак: 2005 – денес

9. Ентони Хопкинс (79) и Стела Аројаве (61)

Години во брак: 2003 – денес

10. Кевин Костнер (62) и Кристин Баумгартнер (43)

Години во брак: 2004 – денес

11. Рик Окасек (68) и Полина Поришкова (52)

Години во брак: 1989 – денес

12. Пол Макартни (75) и Ненси Шевел (57)

Години во брак: 2011 – денес

13. Лари Кинг (83) и Шон Саутвик (57)

Години во брак: 1997 – денес

14. Кевин Клајн (70) и Фиби Кејтс (54)

Години во брак: 1989 – денес

15. Харисон Форд (75) и Калиста Флокхарт (52)

Години во брак: 2010 – денес

М. А. | Црнобело