„Мирните“ партнери ги заменија за „лоши момци“ – 10 славни парови кои ја одбележаа 2021

Детали

сабота, 25 декември 2021

По раскинувањето на 20-годишната врска со Данијела Мартиновиќ, Грашо си најде помлада девојка, Џеј Ло го остави Алекс за бившиот свршеник Бен Афлек, а Кортни Кардашијан и Меган Фокс ги заменија старите партнери со „лоши момци“.

Изминатата година ни донесе повеќе познати парови што речиси секојдневно јавно ја покажуваа љубовта еден за друг. На регионалната и светската сцена интересни беа повеќе славни парови што постојано беа во фокусот на јавноста.

Во 2021-ва година карактеристично е тоа што голем број познати девојки решија да стават крај на долгогодишните врски со нивните „мирни“ партнери и да започнат врска со таканаречени „лоши момчиња“.

За други пак подолго време се „шушкаше“ дека се заедно, но годинава решија да излезат во јавност.

Се чини дека најнов тренд, како во светот, така и на нашите балкански простори е брзото преминување од една во друга врска и замената на старата љубов, со нова.

Така откако во текот на минатата 2020-та година Меган Фокс „повлече“ нога и се раздели со Брајан Остин Грин за да ја започне врската со Машин Ган Кели, годинава слично постапија и повеќе други познати личности.

Славни парови кои ја одбележаа 2021:

Кортни Кардашијан дефинитивно стави крај на сите можности за помирување со долгогодишниот партнер Скот Дисик и започна врска со Тревис Баркер.

Џенифер Лопез го остави Алекс Родригез и се смири со поранешниот свршеник Бен Афлек.

Ким Кардашијан по разводот со Канје Вест започна врска со помладиот Пит Дејвидсон.

Иако Меган Фокс и Машин Ган Кели ја започнаа врската во 2020-та година, во текот на 2021-ва тие не можеа да се одлепат еден од друг и беа во фокус на сите настани.

Гласините за врската на Ријана со ASAP Rocky започнаа уште во декември минатата година, но дури во мај годинава тој јавно проговори за нивната врска и потврди дека се заедно.

Зендeја и Том Холанд по повеќегодишни шпекулации решија да им стават крај на гласините и да објават дека се заедно.

Адел откако се разведе со сопругот Сајмон Конеки, официјално потврди дека има нова љубов – спортскиот агент Рич Пол.

Рита Ора и Таика Ваитити објавија дека се заедно од јули 2022-та година, но најголемо внимание привлекоа нивните фотографии од бакнување во тројка со актерката Теса Томпсон.

Петар Грашо ја раскина долгогодишната врска со Данијела Мартиновиќ и започна врска со Хана Хулиќ.

https://www.instagram.com/p/CUmyibJMzWa/?utm_source=ig_web_copy_link

Милош Биковиќ јавно раскина со руската танчарка Арина Волошина, а потоа на премиерата на Južni Vetar се појави со новата девојка Ивана Малиќ.

Фото: Instagram: Ivana Malić Ivana Malić

Б. С. Б. | Црнобело