„Секоја жена после неа е разочарана“ - Пит Дејвидсон за гласините на Аријана Гранде дека тој има огромен полов орган

Детали

четврток, 05 јануари 2023

„По гласините на Аријана, секоја жена е разочарана од реалноста“ – бившиот дечко на Ким Кардашијан, Пит Дејвидсон, ги коментира гласините дека е натпросечно надарен. Тој ја обвини Аријана Гранде дека ги преувеличила работите, а тоа влијаело на неговиот љубовен живот.

Ким Кардашијан, Емили Ратајковски, Аријана Гранде... Ова се само некои од најпознатите девојки со кои комичарот Пит Дејвидсон (29) беше во врска, а благодарение на коментарите на социјалните мрежи на неговата бивша девојка Aријана, голем број жени веруваат дека тој е мошне надарен.

Во 2018-та година неговата тогашна девојка Аријана Гранде (29) на социјалните мрежи објави еден коментар, кој според него е причина за проблемите што оттогаш тој ги има на љубовен план.

Имено, Аријана одговарајќи на прашањето на една обожавателка, откри дека половиот орган на Пит е со големина од 10 инчи (25cm), по што нејзиниот коментар стана топ тема во сите таблоиди.

Аријана го избриша твитот, но фотографијата е зачувана засекогаш во интернет просторот, а Пит вели дека таа му направила огромна штета на љубовен план со таа објава.

Иако тие двајца не се заедно веќе 4 години, комичарот за време на својот стенд ап настап во Њујорк за Нова година повторно се осврнал на настаните и вели дека Аријана често знаела да ги преувеличува работите.

„Не ми се допаѓа што говореше јавно за мојата машкост. Сѐ е огромно за неа. Зошто би им кажала на сите дека имам огромен пенис? За секоја девојка што ќе го види мојот полов орган во животот да биде разочарана“ – рече Пит.

Прочитајте и Има растројство на личноста и уште 8 факти за новиот дечко на Ким Кардашијан

Инаку, комичарот по врската со Ким Кардашијан од минатата година имаше кратка авантура со Емили Ратајковски, а прозивките со Аријана Гранде започнаа од минатиот месец кога пејачката во интервју за Vogue рече дека воопшто не се сеќава кој бил тој и дека врската со него била само за да ѝ помине времето.

Б. С. Б. | Црнобело