Сѐ за миомите на матката - Mоже ли да се претворат во карцином и дали влијаат врз бременоста?

Миомите може да ја зголемат матката и до 10 пати, а во исто време може да имате и повеќе од еден миом. Дали може да се претворат во рак, дали влијаат врз бременоста, како се лекуваат и дали миомите може да поминат сами од себе?

Миомите се бенигни израстоци на или околу матката.

Станува збор за ткиво кое е составено од мускулни ткива и влакна, а нивната големина може да варира.

Многу жени развиваат миоми на матката пред 50-тата година од животот.

Меѓутоа, ако немаат симптоми, некои не се ни свесни дека ги имаат.

Миомите најчесто се откриваат при рутински гинеколошки прегледи.

Што се миоми на матка и зошто се јавуваат?

Миомите се бенигни израстоци на матката кои често се јавуваат за време на репродуктивниот период. 

Станува збор за фибридно ткиво кое во никој случај не е поврзано со зголемениот ризик од рак на матката и речиси никогаш не преминуваат во рак.

Исклучително ретко се случува миомот да претрпи промени кои ќе го трансформираат во канцероген или малигнен тумор.

Всушност, една од 350 жени равива малигнитет.

Овие ткива се различни по големина, почнувајќи од најситни, невидливи со голо око, до крупни маси кои можат да ја зголемат матката до 10 пати.

Исто така, можно е да имате еден или повеќе миоми на матката.

Миомите може да се појават на неколку места во матката:

• Тие може да се појават во внатрешноста на ѕидот на матката (во самото ткиво) и се нарекуваат интрамурални миоми. 
• Може да пораснат и во шуплината на матката, тие се нарекуваат субмукозни. 
• Оние што ќе се појават на надворешниот ѕид на матката се нарекуваат субсерозни, а некои може да имаат стебленце кое е прикачено на внатрешниот или надворешниот ѕид на матката и тие се нарекуваат педункулирни миоми.

Вистинската причина за појавата на миомите не е целосно позната.

Се смета дека тие се поврзани со лачењето на хормонот естроген.

Токму затоа и се појавуваат во репродуктивната возраст на жената (од 16 до 50 години) - тогаш нивото на овој хормон е највисоко.

Можно е и тие да се намалат по менопаузата, поради намалувањето на нивото на хормони.

Досегашните истражувања покажаа дека поголем ризик за појава на миоми на матка имаат:

• Жените со африканско потекло;
• Жените со покачена телесна тежина;
• Жените кои имаат генетски предиспозиции за развој на миоми;
• Жени кои добиле менструацијата доста рано;
• Жени кои користат апчиња за контрацепција;
• Жени со дефицит на витамин Д;
• Жени кои консумираат многу црвено месо, алкохол и кофеин.

Продолжува на следната страница...