7 проблеми кои се појавуваат при недостаток од витамин А во телото

За телото да функционира правилно, потребни му се сите супстанци и витамини, но како да знаете коа има недостаток од некој?

Телото покажува различни симптоми кога има недостаток од магнезиум, калиум, од витамин Д и други витамини.

Витаминот А е неопходен за добар вид, ефективен репродуктивен систем и здрава кожа.

Се наоѓа во различна храна, па не треба да дозволите да дојде до голем недостаток.

Во продолжение – знаци кои укажуваат дека ви недостасува витамин А во телото:

Сува кожа

Витаминот А е еден од главните елементи кој е неопходен за кожните ткива и за хидратација на кожата. Неговиот недостаток честопати резултира со појава на егзема, заради сувоста на кожата.

Ноќно слепило

Ова е најчестиот симптом за недостаток на витамин А, а станува збор за проблем во очите, што предизвикува тешкотии за гледање во темница. Во затемнета средина, острината која видот треба да ја има е намалена и станува невозможно јасното гледање во темница.

Акни

Со оглед на тоа што витаминот А е задолжен за кожното ткиво, па целиот процес кој се одвива кога телото има недостаток од витаминот, доведува до појава на акни.

Проблеми со зачнување

Консумирањето храна богата со витамин А ја подобрува плодноста, а витаминот е неопходен за правилно функционирање на репродуктивниот систем.

Оние кои сакаат да останат бремени, како и трудниците, мора да го консумират во умерени количини со препорака од лекар, секако.

Слабо заздравување на рани

Телото ги лечи раните за кратко време благодарение на лачењето на колагенот, кој се наоѓа во здравите организми, благодарение на кој кожата останува здрава.

Витаминот А помага при лачење на колагенот, па ако забележите дека раните потешко ви заздравуваат од претходно, пробајте да ја смените исхраната и внесете витамин А.

Бавен раст

Витаминот А има посебно влијание кај децата за растот и развојот, па треба да обрнете внимание да го консумираат во умерени количини.

Развојот на видот и имунитетот се дополнителен плус.

Суви очи

Витаминот А исто така помага во лачењето на солзи и создавање влажност во очите, а ако се соочувате со сувост во очите, покрај тоа што ќе се консултирате со лекар, може да вметнете во исхраната и намирници богати со витамин А.

Храна богата со витамин A:

• Варено јајце
• Лосос
• Спанаќ
• Сладок компир
• Морков
• Тиква 
• Бабури 
• Брокула

М. М. | Црнобело