8 чекори во борбата против празничната депресија

Иако многумина го сметаат за најубав дел од годината, еуфоричниот период на новогодишните и божиќните празници кај некои луѓе може да предизвика...

...стрес, нервоза и депресија. Откако стресот ќе се акумулира, тешко може де се запре, предупредуваат стручњаците од клиниката "Mayo". Ако не се спречи, води кон депресија.

Забавата е една од најдобрите методи за спречување на мрачното расположение. Ако на пример повикате пријатели на прошетка или ноќна забава со топки снег, стресот ќе почне да слабее.

Ви предлагаме 8 празнични антидепресиви:

План за среќа - реално планирање
Не поставувајте цели кои не сте сигурни дека можете да го остварите. Наместо сите празнични задачи да ги сконцентрирате во еден ден, обидете се да ги распоредите на неколку дена.

Прифатете ги промените
Некои од промените кои ги носи животот не се едноставни и не ги посакуваме. Но, за да се тргне понатаму, важно е да ги прифатиме.

Дозирање на тагата
Ако за време на празниците имате тажни или лоши сеќавања, дозволете си да ја изразите тагата, никој не е постојано среќен. Но, немојте да дозволите поради тагата да се изолирате од светот.

Поглед напред
Свртете се кон иднината. Минатогодишните сеќавања не се секогаш најпријатни, па оставете ги во минатото. Не дозволувајте минатогодишните празници да го диктираат овогодишното расположение. Сите празници се различни.

Подарување
Парите се најчестата причина за празничното разочарување, тврдат стручњаците. Најдобро е да одредите колку ќе потрошите и кон тоа да се придржувате. Најубавите подароци не можат да се купат.

Цврста граница
Научете да кажете „не“. Секој има граница, па ако мислите дека нешто не можете да направите, застанете на време. Загриженоста и заморните обиди можат да предизвикаат стрес, иритација, нервоза и очајување.

Последен момент
Чекањето до последен момент најчесто носи стрес. Наместо семејниот ручек и подготвувањето на подароците да ги организирате во последен момент, пронајдете малку слободно време за планирање.

Разговорот лечи
Ако и покрај промените, излегувањата и забавите и понатаму не можете да ги оттргнете црните мисли, разговарајте со некого. Било да е тоа член на семејството, пријател или терапевт, разговорот ќе ви помогне да си дојдете на себе. 

Би можело да ве интересира:

12 совети како да се грижите за вашето ментално здравје Ако сте имале некаква траума,, како сообраќајна незгода, сексуален напад или смр...

Предупредувачки симптоми кои се знак дека веднаш треба да одите на лекар Многу силна главоболка која се појавила одеднаш, како и силна треска со температ...

Фебрилни конвулзии кај деца: Кои се причините, како да ги препознаете и како да реагирате? Ако сè се прави правилно и во консултација со лекар, фебрилните конвулзии кај по...

Дали ишијасот е знак за сериозен проблем и колку долго трае болката? Оние кои имале ишијас ќе ви кажат дека во животот не почувствувале полоша и поси...

Начини на лекување на курје око - како да го отстраните сами дома? Силна болка во стапалото и зацрвенета кожа која е груба на допир се знаци дека ќ...

Зошто понекогаш окото ни „игра“ и дали е знак за сериозен проблем? Играњето на окото е појава со која сме се соочиле скоро сите. Во повеќето случаи...