Вага
 23.09-22.10

Љубов	Работа	Здравје

5 до 11 јуни 2023

Љубов: Вагите оваа недела во љубовниот живот можат да почувствуваат поголема стабилност во односот со партнерот, врската ќе биде емотивна, а можни се и заеднички планови. Слободните припадници на знакот ќе бидат крајно оптимисти, ќе се зголеми бројот на нови познанства, а можни се и средби или нови врски со луѓе од странство.

Работа: Се обидувате да ги надминете своите можности, што и не е толку лошо, доколку не сте нереални во плановите. Бидете подготвени да се адаптирате на новиот начин на живот кој бара поголема дисциплина. За успех на проектот на кој работите, ќе ви треба одмор за да соберете дополнителна енергија и потребни информации.

Здравје: Движете се повеќе во природа и на чист воздух. Стресот од работата може да влијае на вашиот мирен сон, па затоа би било добро да медитирате и да се опуштите со смирувачка музика.

Совет: Спортувајте. Тоа ќе ве зајакне.

Вага
 23.09-22.10

јуни 2023

Работа: Вашите таленти доаѓаат до израз, вие сте незаменливи во добро обучен деловен тим. Кога ќе се преиспита вредноста и придонесот на сите останати, вашата непоколебливост само доаѓа до израз, на вас може да се смета и на крајот на месецот ќе биде и потврдено (како што беше толку многу пати досега) и соодветно наградено. Вашиот совет е ценет и на добро место сте да преговарате за повисока позиција или проекти каде што вашите многубројни способности доаѓаат до израз. Бидете трпеливи и почекајте ја вистинската понуда, која одговара на вашите достигнувања. Размислете за плановите за иднината и почнете да ги ставате во акција, креативните промени се пред вас.

Љубов: Овој месец треба да се фокусирате на вашите желби, можеби ќе ви биде тешко да останете во рамките на партнерството на овој начин, но кога ќе го вклучите партнерот во потрагата по нови возбудувања и авантури, ќе имате дополнителна инспирација. Кога Вагите се инспирирани, тие можат да постигнат хармонија и да внесат магија во секоја врска и интеракција. Ако сте сами, заборавете на минатото, оставете ги сите оптоварувачки искуства, за да искусите нешто ново и да го откриете она што сè уште ви е непознато. Тоа може да биде уживање во жешка и минлива авантура, придобивките од интимното пријателство или шармот на осаменоста. Вашата романтична природа бара драматични сценарија.

Здравје: Сакате да се опуштите во вашите четири ѕида и да уживате во сè што е локално, познато и испробано, а ги има многу. Работете овој месец на удобноста на вашиот дом, кој толку многу го цените, тоа за вас е обновување на енергијата и исцелување. Сè што ви треба носите во себе.

Вага
 23.09-22.10

2023

Вагите во 2023-та година може да очекуваат значително да им се подобри финансиската состојба, а можни се радикални промени и на љубовен план. Годината ќе ја започнат полни со енергија и мотивирани за нови успеси.

2023-та година ќе биде мошне важна година за голем број Ваги. Упорноста, истрајноста и еланот со којшто ќе ги извршувате работните задачи во носат нови успеси, а дополнително ќе треба да се справите и со голем број одговорности поврзани со луѓето во вашето опкружување.

Освен што може да очекувате голем број обврски на работното место, во втората половина од годината ќе ви се чини дека најголем дел од времето и енергијата ги трошите за да ги исполните барањата од другите луѓе.

Понекогаш можно е само да посакате да побегнете од сите одговорности што ги имате, но свесни сте дека на крајот целиот труд ќе ви се исплати и дека мора да ги завршите ветените работи за да можете да ги реализирате сопствените планови.

Годината ќе ја започнете полни со енергија, па така периодот во помеѓу јануари и март ќе чувствувате дека можете да реализирате сè што сте замислиле. Очекувајте дека мотивацијата ќе ви биде на високо ниво во текот на целата година, но од ноември до првата половина од декември можни се повеќе проблеми, па воедно ова ќе ви биде и најстресниот период од годината.

Работа и финансии

Во поглед на финансиите и кариерата голем број Ваги во 2023-та година ќе забележат промени на подобро.

Во текот на 2022-рата се соочивте со повеќе финансиски загуби, нереализирани планови, стратегии и пропаднати инвестиции, па следната година ќе ја започнете со добро осмислен план за да се вратите на прав пат.

Вагите се познати по тоа што сакаат животот да го живеат животот на „висока нога“, па честопати им се случува да трошат повеќе од она што го заработуваат, а во 2023-та година нема да имате потреба да се грижите дали ќе успеете да заработите доволно пари за да си ги дозволите работите што ги посакувате.

Особено подобрување на финансиите може да очекувате во втората половина од 2023-та година, а најголеми успеси ќе имаат Вагите што се занимаваат со пишување, образование, продажба или маркетинг.

Ова ќе биде одлична година за да се ослободите од заостанатите долгови и да инвестирате во нови извори на профит.

Но, промените на финансиски план нема да се случат преку ноќ. Можно е да добиете финансии од продажба на имот или преку добри инвестиции, но голем број Ваги годината најверојатно ќе ја започнат и со промена на работното место.

Некои претставници на знакот ќе треба да направат повеќе промени на работните места додека не го најдат она што го бараат, а Вагите што се на раководни позиции може да се соочат со голем број заминувања на вработени и нестабилни услови за работа.

Љубов

На љубовен план ова ќе биде мошне турбулентна година за поголемиот број Ваги, а два клучни моменти ќе бидат во мај и во ноември кога може да се случат (неочекувани) промени на емотивен план. Годинава ќе бидете во променливо расположение и тоа може да се одрази и на љубовниот живот.

2023-та година носи радикални промени за голем број Ваги. Оние што долго време биле сингл многу е веројатно годинава да ја најдат својата сродна душа, а оние во сериозни врски може да решат да стават крај и да ја побараат среќата со друг партнер.

Слободните Ваги најверојатно ќе влезат во нови романтични врски во периодот по септември, а некои од нив ќе имаат среќа и конечно да ја најдат „вистинската“ личност со која ќе почнат да размислуваат за посериозни чекори на емотивен план.

Можни се и помирувања со некои поранешни партнери, но за овие врски да бидат успешни ќе биде потребно да бидете сигурни дека сте се справиле со сопствените стравови и сомнежи.

Се препорачува сите важни одлуки да ги донесете во првата половина на 2023-та година, затоа што веќе од втората половина на годината ќе бидете многу повеќе сконцентрирани на другите аспекти од животот и нема да обрнувате премногу внимание на ова прашање.

Вагите што подолго време се во сериозна врска во првата половина од годината ќе треба сериозно да размислат за сопствените чувства и да донесат конечна одлука дали сакаат да стапат во брак или пак да стават крај. Сите одлуки ќе треба да ги донесете сами без да дозволите другите да ви се мешаат.

Оние што се во брак може да очекуваат дека во периодот на летото ќе треба да донесат многу важна одлука поврзана со семејството. Можна е преселба заради ново работно место или некои други промени што ќе се однесуваат и на семејниот живот.

Здравје

Во 2023-та година голем број Ваги ќе донесат одлука да се ослободат од лошите животни навики и сериозно да се посветат на подобрување на животните услови.

Првата половина од годината ќе биде одлично време за да се воведат одредени промени во начинот на живеење што ќе ви помогнат да ја вратите енергијата и да го зајакнете имунитетот. Особено ќе треба да внимавате на менталното здравје, на заморот и на стресните ситуации.

Во втората половина од 2023-та година ќе се соочите со предизвик да се држите до плановите за поздрав живот затоа што ќе бидете во ситуација постојано да треба да им помагате на другите и да бидете тука за нив, па можно е да почнете да се занемарувате себе.

Во овој период ќе треба да бидете особено внимателни со внесувањето на здрава храна, да не ги прескокнувате оброците, ниту пак да се прејадувате.

Кон крајот на годината можно е да се чувствувате исцрпено и да имате пад на имунитетот, па затоа крајот на годината ќе биде период кога ќе треба да бидете особено внимателни.