Близнаци
 21.05-20.06

Љубов	Работа	Здравје

5 до 11 јуни 2023

Љубов: Љубовниот живот на Близнаците ќе биде во преден план оваа недела, особено ако се сингл и сакаат да ја запознаат вистинската личност за себе. Многумина ќе имаат можности да започнат нова љубовна врска. Зафатените припадници на знакот ќе внесат нов оптимизам во нивната љубовна врска.

Работа: Окупирани сте со нови идеи поврзани со различни работни места, но не знаете на која да ѝ дадете приоритет. Различните обврски што сте ги прифатиле ќе ви бидат интересни и ќе го надополнат вашето секојдневие. Ќе размислувате за долгорочна работа, но такви изгледи нема да бидат на повидок.

Здравје: Добро се чувствувате и ја одржувате таа состојба со редовно одморање. Не прескокнувајте оброци, но не претерувајте со количината на храна што ја консумирате. Редовно опуштајте се.

Совет: Бидете свесни за вашите опции.

Близнаци
 21.05-20.06

јуни 2023

Работа: Голем наплив на добра енергија ви дава крилја, конечно можете да ги реализирате своите идеи и проекти, а доколку сте на менаџерска позиција или имате сопствен бизнис, ѕвездите се на ваша страна. За вас се отвораат врати кои долго време биле затворени, имате јасен увид во вашите постапки и висока самодоверба, па можете да се поправите и смислено и смирено да управувате со вашите постапки. Исто така, можете да се потпрете на помошта од пријателите и колегите, довербата е клучот за успех во овој период. Хуманоста, разбирањето и ненаметливоста во комуникацијата ќе ви донесат восхит и доверба кај клиентите и соработниците за проширување на бизнисот и напредување во кариерата.

Љубов: Време е во долгата врска да разбудите страст и чувство за авантура, пробајте некаде на отворено, под ѕвездено небо. Невообичаените и романтични постапки ќе ја вратат искрата и ќе ја продлабочат вашата врска, затоа бидете храбри и разиграни, заведете го и воодушевете го партнерот и потсетете се како можете добро да се забавувате и да уживате заедно. Ако сте слободни, ќе имате многу можности да флертувате и да се дружите, но сите врски и интеракции ќе останат на површно ниво. Не го сфаќајте сериозно минливиот занес, за да не се разочарате и повредите. Знаете што сакате и како се чувствувате, моменталните сензации се пријатни и возбудливи, но тоа не е вистинска љубов.

Здравје: Активниот одмор во јуни може да ви ги наполни батериите на подолг период и да ви донесе искуства кои ги прошируваат вашите хоризонти. Ако се борите да стекнете форма или да изгубите тежина, спортовите на отворено се идеален избор, ако не сте за пливање, обидете се со планинарење.

Близнаци
 21.05-20.06

2023

Хороскопот за 2023-та година на Близнаците им ветува дека пред нив е година во која ќе мора да научат како да бидат поодговорни и посериозни со финансиите, на љубовен план, но и со сопственото здравје. Годината ќе им почне тешко, но ќе ја завршат среќни и во топ форма.

За повеќето Близнаци 2023-та година ќе започне тензично. Ова ќе биде година во која ќе морате да се справите со голем број предизвици, да се посветите на решавање на заостанатите проблеми од минатото и да најдете начин како да останете смирени.

Најповолен период ќе биде помеѓу март и мај и од септември до октомври, затоа што тогаш ќе имате можност малку да здивнете од стресот и проблемите предизвикани од финансиските предизвици со кои ќе се соочите.

За Близнаците 2023-та ќе биде година во која ќе мора да научат како да водат подобра грижа за себе, но и да научат како да се изборат и да си покажат самите на себеси дека можат да се справат со сите предизвици што им ги носи животот.

Во 2023-та година Близнаците може да очекуваат поголеми пресврти во поглед на кариерата, но и на интимен план, а ќе донесат и одлуки за водење поздрав живот и подобрување на целокупната здравствена состојба.

Работа и финансии

На почетокот од годината нема да бидете задоволни од финансиите и тоа ќе ви предизвикува стрес. Ако размислите подобро ќе сфатите дека проблемот не е во тоа колку пари заработувате, туку во тоа како ги трошите.

Пред вас се неколку месеци во 2023-та година во кои ќе мора да враќате стари долгови, да покриете некои непланирани трошоци и да признаете дека штедењето во изминатите неколку години не ви било силна страна и тоа е главната причина заради која што сте се нашле во незавидна финансиска положба.

Во првата половина од 2023-та година ќе мора да научите како да живеете со парите што ги заработувате, а нема да имате премногу можности за дополнителна заработка или пак некои неочекувани добивки.

Тоа за голем број Близнаци ќе донесе голем пресврт на професионален план затоа што е можно да одлучат да направат промена во поглед на кариерата или да се вратат на некое старо работно место, каде не биле многу среќни со условите за работа, но имале добра заработка.

Можно е во овој период да ви биде неопходна поголема поддршка и совет од родителите или од други повозрасни и поискусни луѓе, што ќе ве насочат како да се справите со сите предизвици.

Веќе во втората половина од годината ќе почувствувате поголемо олеснување на финансиски план и можно е конечно ослободување од натрупаните долгови.

Во овој период ќе можете конечно да здивнете и нема да мора да внимавате каде го трошите секој денар, но добрите финансиски навики што ќе ги стекнете во првата половина од годината ќе ве научат важна лекција.

Голем број Близнаци поучени од проблемите во првата половина на годината може да преземат смели чекори кога станува збор за финансиите и кариерата.

Свесни дека преземањето ризици истовремено може да им донесе неуспеси, но и големи добивки, многу е веројатно некои претставници на знакот во овој период од годината да одлучат да почнат свој бизнис или да работат хонорарно.

Што и да работат, Близнаците годинава ќе се истакнат со креативноста и иновативноста, а во прв план ќе им биде да покажат дека се оригинални и незаменливи.

Можно е голем број од нив да се посветат и на стекнување ново знаење, па заради тоа да заминат на некои патувања во странство за усовршување.

Љубов

2023-та година ќе донесе големи промени за Близнаците на љубовен план. Стресот предизвикан од финансиските проблеми ќе се одрази и на љубовниот живот, па најверојатно со сите сили ќе се борите барем на ова поле во животот да владее делумна хармонија.

Јануари ќе помине без поголеми промени, а веќе од февруари можете да очекувате целосен пресврт на интимен план.

Голем број Близнаци во февруари веќе ќе станат многу повеќе ориентирани кон семејството, можно е да прифатат нови обврски или да донесат одлука да бидат повеќе вклучени во домот и да бараат начин да поминуваат повеќе време со партнерот и семејството.

Ова е период во кој ќе бидете изразено емотивни, а ќе дадете сѐ од себе финансиските проблеми да не се одразат и во љубовниот живот, но можни се некои недоразбирања и расправии со партнерот предизвикани од стресот и анксиозноста со кои се соочувате.

Оние што се во сериозна врска ќе мора да вложат дополнителни напори за да му покажат на партнерот дека му се посветени, па можно е во овој период да донесат одлуки за започнување заеднички живот или за брак.

Слободните пак, во периодот помеѓу мај и јуни може да очекуваат помирување со некоја стара љубов или пак да влезат во нова врска во која ќе се соочат со некои проблеми и трауми од минатите врски и ќе научат многу за себе и за тоа што го бараат од партнерот.

Втората половина на годината носи пресврт и за нив на интимен план. Слободните Близнаци кон крајот на летото најверојатно ќе започнат нова интимна врска што целосно ќе им го промени животот и ќе ги натера да размислат за тоа дека треба да го редефинираат поимот љубов.

Здравје

Во првата половина од 2023-та година голем број од Близнаците ќе имаат можност да увидат како секојдневниот стрес на работното место и постојаната неизвесност со финансиите влијае врз нивното целокупно здравје.

Ова ќе биде период кога освен што ќе мора да се соочувате со голем број финансиски проблеми, ќе треба сериозно да внимавате и на сопственото здравје и да воведете некои суштински промени во начинот на живот.

Во 2023-та ќе станете свесни дека е крајно време да почнете да се занимавате повеќе со спорт и да најдете начин како да се справите со стресот и анксиозноста, а клучно е тоа што ќе научите како да останете смирени и да не дозволувате постојаниот страв и неизвесност да ви ја влошат здравствената состојба.

Веќе во втората половина од 2023-та година со подобрувањето на финансиската состојба ќе почувствувате позитивни промени и кај себе, а тогаш ќе бидете во можност да увидите и да бидете горди со промените што сте успеале да ги направите.

Очекувајте дека 2023-та година ќе ја завршите во топ форма, среќни и задоволни од резултатите што сте ги постигнале.