Близнаци
 21.05-20.06

Љубов	Работа	Здравје

22 до 28 јули 2024

Љубов: Партнерот станува несигурен и ќе има потреба од вашата поддршка. Не вреди да се нервирате премногу поради тоа, тој ќе се извлече од проблемот, а и вие заедно со него. Гледајте да изградите врска со партнерот со поголемо разбирање. Самите припадници на знакот може да имаат проблем да воспостават нови контакти.

Работа: Ова е добар период за секаков вид бизнис со пријателите, особено со оние кои претходно не сакале да работат со вас. Ќе добиете понуди од повеќе страни за кои треба добро да размислите. Интуицијата е вашата силна страна во овој период. Финансиската стабилизација треба да ја сфатите многу посериозно.

Здравје: Можна е мала настинка. Слушајте го вашето тело и неговите потреби и водете се од вашата интуиција, која не ве изневерила.

Совет: Дозволете си повеќе сон и повеќе одмор.

Близнаци
 21.05-20.06

јули 2024

Работа: Ова е период на раст и проширување на вашата кариера, новите проекти или задачи кои се појавуваат не се само можности за финансиски раст, туку и за личен развој. Бидете отворени за учење и впивајте колку што можете повеќе. Исто така, бидете трпеливи и избегнувајте агресивен пристап, особено ако започнувате нешто ново. Детално анализирајте ги и пресметајте ги вашите проекти, пред да преземете акција. Постои можност да се појави покровител кој ќе ви помогне да ги остварите вашите аспирации. Соработката од секаков вид е плодна, верувајте во вашата интуиција кога донесувате одлуки и прифатете ги сите предизвици како можности за учење. Резултатот од извршувањето на итните задачи може да биде неочекувано висока финансиска награда.

Љубов: Темата на овој месец е повторното поврзување, врските ќе бидат основата на вашите искуства. Постои можност да се поправат, да се залечат старите рани и да се обноват врските кои избледеле со текот на времето. Доколку сте сами, ова е поволен период да запознаете некој со кој ќе ги лекувате емотивните повреди од минатото и повторно ќе почувствувате доверба и припадност. Доколку сте во брак, нагласени се заедничките патувања и заедничките активности. Може да направите и некои правила во врската кои ќе решат многу работи. Во партнерските односи, отворената комуникација и трпеливоста носат подлабоко разбирање и поврзаност. Грижете се за вашите постапки, импулсивно однесување може да создаде проблеми.

Здравје: Негувањето на вашето тело и ум е најважно, земајте здрава храна богата со хранливи материи и истражете ги активностите што го негуваат вашиот внатрешен мир. Јогата или вежбите за дишење можат да бидат особено корисни, барате рамнотежа во сите полиња на здравјето, физичко, емоционално и ментално.

Близнаци
 21.05-20.06

2024

Секој месец во 2024-та можете да очекувате нешто ново – љубовна авантура, промени во кариерата, во семејните односи, со здравјето …

Ќе мора да балансирате помеѓу личните желби и она што е навистина добро за вас, но и за околината.

Ова ќе биде одлична година на поле љубов, без оглед дали сте сингл или во сериозна врска.

Посветувајте им повеќе време на саканите, а тие ќе знаат да го ценат тоа.

Нема да ви недостигаат ни пари – ќе имате неколку можности во кои ќе можете да заработите, само ако ги искористите.

Нема да се плашите да ризикувате, но ќе има моменти кога ќе сфатите дека не смеете да одите со главата низ ѕид.

Некои Близнаци ќе имаат мали здравствени проблеми – не ги игнорирајте симптомите, туку посетете лекар.

Бидете упорни, трпеливи и ќе видите просперитет на секое поле.

Кариера и финансии

Во текот на целата година ќе ви се укажуваат нови финансиски можности, а вие ќе се обидете да ги искористите сите.

Некои Близнаци ќе преземат деловни ризици и во повеќето ситуации тие ќе се покажат како добра и исплатлива варијанта.

Во 2024-та повеќето од вас ќе остварат финансиска добивка, што ќе биде уште поголем мотив за во иднина.

Ќе бидете љубопитни во однос на работата, особено ако е нешто ново, што не сте го работеле претходно, па тоа ќе ве поттикне да истражувате и учите нови работи.

Сепак, ќе има денови кога ќе мора да бидете практични, наместо само да им се препуштите на идеите.

Во тие ситуации размислете добро пред да преземете некакви конкретни чекори.

Ќе запознаете луѓе кои ќе ви помогнат во градењето на кариерата и ќе ви отворат деловни врати за кои не сте верувале дека се возможни.

Имајте предвид и дека не треба да ја прифатите секоја понуда што ќе ја добиете, бидејќи од некои од нив нема да имате никаква полза.

Најдобриот финансиски период ќе го имате кон средината на годината, па тогаш потрудете се да ја искористите секоја шанса што ви се нуди.

Но, пред крајот на 2024-та намалете ги трошоците и убаво распоредувајте го семејниот буџет.

Љубов

Без оглед дали сте сингл, во врска или во брак, ова ќе биде интересна година на љубовен план.

Ако сте во потрага по љубов, ова е година во која ќе имате многу додворувачи, но и вие ќе го правите првиот чекор.

Ќе имате случајни средби со луѓе од минатото, но и со некој што може да остане долго во вашиот живот.

Оние кои се во врска, во 2024-та година ќе најдат начин да ги зацврстат односите со партнерот.

На повидок е брак, дури и да не сте во врска долго време.

Ќе има моменти кога ќе мора да си ја подголтнете гордоста и да му попуштите на партнерот, но тоа ќе биде и за ваше, и за негово добро.

Сепак, важно е да знаете дека со вашите шарм и насмевка, лесно ќе добивате сè што сакате.

Ќе бидете романтични, ќе копнеете по прегратки, слатки зборови и изливи на љубов, иако тоа можеби и не е својствено за вас.

Затоа, подгответе се за љубовна и забавна 2024-та година.

Здравје

2024-та ќе биде многу важна за вашето физичко, но и ментално здравје.

Уште на почетокот на годината ќе имате вишок на енергија поради што ќе почнете да размислувате да се зачлените во фитнес студио или да почнете да трчате рекреативно, на пример.

Внимавајте на можни повреди на екстремитетите.

Во првата половина на годината е можен и стрес, предизвикан најверојатно од работата, па ќе мора да земете одмор.

Ќе ви годи времето поминато на чист воздух, затоа искористете ја секоја можност за да заминете на планина, далеку од урбаниот метеж.

Работите ќе се стабилизираат до крајот на годината, но повремено проверувајте ја крвната слика.

Не претерувајте со физичка работа и не си го исцрпувајте телото.

Во 2024-та некои од вас ќе ја откријат јогата како активност која ги смирува.