Водолија
 20.01-18.02

Љубов	Работа	Здравје

22 до 28 јули 2024

Љубов: Водолиите оваа недела може емотивно да ги интересира личност која веќе е во врска, а похрабрите би можеле да започнат и тајна врска. Зафатените припадници на знакот ќе чувствуваат зголемена напнатост во комуникацијата со партнерот, па можни се несогласувања во врската.

Работа: Ова е период на големи напори за претставниците на вашиот знак кои во последно време напорно работат. Многу работи би можеле да одат во позитивна насока, но изгледа не сте свесни што треба да правите во овој период. Ќе треба да се согласите на некаков договор за проектот кој би сакале сами да го реализирате.

Здравје: Нервозни сте и напнати, а оддалечувањето од секојдневието некаде во природа, што подалеку од сите што бараат нешто од вас, ќе ви биде вистинскиот лек.

Совет: Обидете се да се опуштите со нешто креативно.

Водолија
 20.01-18.02

јули 2024

Работа: Без разлика дали тргнувате на нов курс за да ги подобрите вашите вештини и професионални квалификации или преземате предизвикувачки деловен проект, започнувате сопствен бизнис или правите пресврт во кариерата, ѕвездите поддржуваат значителни чекори во јули, а ситуациите на професионалниот пат ја предизвикуваат вашата приспособливост. Прифатете ја промената, бидејќи таа води до раст и не пропуштајте можности за поврзување, професионални курсеви и семинари и на кој било друг начин на кој можете да добиете нови информации и нова перспектива. Кога станува збор за финансиите, ѕвездите советуваат внимателно планирање и избегнување избрзани одлуки.

Љубов: Во јули, дури и обичните социјални собири може да доведат до личен и професионален раст, но тие се и можности да запознаете некој посебен. Романтичното расположение води до процут на неочекуваните чувства, ќе ви биде тешко да одолеете да влезете во романса, дури и ако верувате дека тоа не е најдобро за вас. За Водолиите во врска, романтичните заплети можат да бидат поголеми предизвици, може да има непријатни откритија за аферата на партнерот (или вашата) или некој друг облик на предавство. Вителот на интензивни чувства може да ве вовлече и да ве потоне повторно и повторно, предизвикувајќи постојани конфликти. Што и да се случи, вашата врска не може да остане иста, но тоа може да донесе и позитивни промени и решенија.

Здравје: Холистичката практика на грижа за вашата благосостојба дава најдобри резултати, истражете ги модалитетите како што се јога, медитација, таи чи. Изборот на храна има клучна улога, па затоа би било добро да се консултирате со нутриционист. Хидратацијата е исто така многу важна, како и одржувањето на рамнотежа и умереност во сите области на менталното и физичкото здравје.

Водолија
 20.01-18.02

2024

За Водолиите 2024 ќе биде година на голем број можности, предизвици, лично созревање и спознавање. Благодарение на добрата позиционираност на планетите, во 2024 ќе имате периоди кога ќе мислите дека среќата е целосно на ваша страна, но ќе има и периоди на пресврти и предизвици.

Ова ќе биде одлична година на љубовен план, па ако подолго време сте сингл, можно е годинава да ја запознаете вистинската личност за вас или да имате неколку романтични авантури.

Креативноста и иновативноста ви се најсилно оружје што може да ви донесе голем број успеси на поле кариера, но обидете особено внимателни кога се во прашање финансиите и здравствената состојба.

Работа и финансии

Можно е да донесете некои одлуки на поле кариера што ќе ве доведат чекор поблиску до остварување на замислените соништа. Ќе имате можност да ги покажете сопствените таленти и квалитети и можно е остварување на вашата визија да направите нешто добро за светот и околината.

Но, познати сте по тоа што не се придржувате премногу до наметнатите правила и норми, па може да се соочите со голем број предизвици. Ќе има периоди кога ќе сметате дека големиот број обврски на работното место ве оддалечуваат од тоа што навистина сакате да го правите.

Ќе имате голем број настани на кои ќе присуствувате, ќе стекнете голем број нови контакти, но не дозволувајте кариерата во целост да ве преокупира и да заборавите на приватниот живот.

Во 2024 состојбата на финансиски план ќе ви наликува на вистински трилер. Никогаш нема да знаете каква пресвртница ве очекува, кога ќе ве следи среќа и кои стратешки чекори треба да ги направите.

Позитивната страна е тоа што благодарение на вашите необични и уникатни идеи ќе имате можност за заработка, па некои претставници на знакот можат и да си ја обезбедат финансиската иднина.

Сепак, можно е да преземете некои ризични одлуки што нема да ги дадат очекуваните резултати. Обидете се да не дозволите желбата за финансиска независност да ве натера да донесете непромислени заклучоци, особено ако се впуштате во нови инвестиции.

Добро би било да направите детални истражувања и да го испланирате буџетот пред да се впуштите во нови авантури и бидете внимателни како ги трошите парите. Не треба да бидете сконцентрирани само на краткорочно штедење, размислувајте долгорочно и оставете пари за „црни денови“.

Љубов

На љубовен план, 2024 ќе ви приреди голем број пресврти и искуства. Вашата независна природа ќе биде ставена на тест, па голем број сингл припадници на знакот може да одлучат да влезат во сериозна врска.

Ќе ви се чини дека љубовта можете да ја најдете на најнеочекуваните места, а ќе бидете изненадени од длабоката поврзаност и авантурите што ќе ги доживеете.

Сепак, ќе ви се чини дека најголем проблем ќе ви биде воспоставувањето баланс меѓу вашата огромна желба за независност и посветеноста што партнерот ја бара од вас. Најважно ќе биде да се потрудите да одржите добра комуникација со партнерот и да имате разбирање за чувствата на личноста со која сте или со која сакате да започнете врска.

Исто така, потрудете се да му дадете максимална поддршка на партнерот за да ги оствари сопствените соништа и планови и потрудете се да бидете трпеливи.

Водолиите во брак ќе најдат нови начини како да ја зачинат врската и да ја направат повозбудлива. Ќе имате можност да го подобрите односот со партнерот, да ја зголемите интимноста и да креирате хармонична врска во која и двајцата ќе бидете рамноправни.

Но, вашата желба за независност може да ве доведе во конфликтни ситуации и да имате недоразбирања со брачниот партнер. На мигови ќе ви се чини дека сте растргнати и дека треба да избирате меѓу сопствените соништа и брачните обврски, па затоа клучна ќе биде комуникацијата и отвореноста за нови идеи.

Потрудете се да внесете голем број заеднички искуства што ќе ви помогнат да ги надминете кризните периоди.

Здравје

Во 2024 ќе имате моменти кога ќе се чувствувате дека сте полни со енергија и можете да постигнете сè што сте замислиле. Ќе ви се чини дека сте полни со позитивна енергија и дека ментално сте подготвени за да се справите со сите предизвици.

Сепак, тоа може да ве доведе да ги занемарите симптомите за здравствени проблеми. Исто така, не експериментирајте премногу со нови методи и здрави навики за кои не сте сигурни колку се добри и позитивни.

Најважно ќе биде да воведете здрави навики и рутини и да се воздржите од воведување нови и иновативни методи за вежбање или слабеење.

Пред да направите што било, консултирајте се какви последици би можело тоа да има врз вашето целокупно здравје.