Стрелец
 22.11-21.12

Љубов	Работа	Здравје

30 март до 5 април 2020

Љубов: Нема да бидете во најдобра љубовна форма. Понекогаш дури ќе се чувствувате фрустрирано, но тоа бргу ќе го заборавите. Ќе се однесувате неконвенционално. Другата страна нема секогаш да ве разбира. Објаснете го вашето расположение, но со премногу детали.

Работа: Пред вас е седмица со намалено движење. Многумина ќе работат од дома. Сето тоа ќе влијае на вашите идеи како и на начинот на работа. Ќе има и такви кои лесно ќе разменуваат нови информации со соработниците.

Здравје: Кога е во прашање здравјето, важно е да се трудите да вежбате за да одржите добра кондиција и да ги избегнете стресните ситуации околу вас.

Совет: Проверете го својот автомобил доколку го имате и ви е запоставен.

Стрелец
 22.11-21.12

април 2020

Работа: Сатурн ќе направи селекција на вашите желби, планови и очекувања. Ова е многу мудра селекција чии последици ќе бидат долгорочни. Ќе дојде до застој и прилагодувања поради проблемите насобрани од порано, а не сте ги решавале на време. Сепак, прилики за подобрување постојат, па ако умеете да ги искористите, целите ќе бидат остварени. Проблем е што постојат мноштво планови. Мора да се фокусирате, а тоа сега не е едноставно затоа што сакате повеќе работи одеднаш. Ова е најповолен период за оние што се занимаваат со креативна работа или се лидери во својата дејност. Многумина ќе имаат прилика да започнат нешто што одамна сакале да го реализираат. На финансиско поле треба подобро да се организирате затоа што веќе сте во ситуација кога трошоците ги надминуваат можностите кои ви се на располагање.

Љубов: Од вашата потсвест избиваат стравови за кои не сте знаеле ниту дека постојат. Но лесно ќе ги надминете затоа што сега ве поддржуваат планетите. Помладите ќе имаат низа прилики за онлајн запознавања и контакти. Врските кои сега ќе ги почнат, може да станат долги, а можеби и стабилни затоа што повеќето Стрелци ќе ги сретнат своите кармички партнери. За вас ќе покажат интерес повеќе личности, но само една е вистинската и тоа токму онаа на која ѝ придавате најмалку внимание и за која најмногу треба да се приспособувате. Оние што се во брак или во подолги врски ќе мора да ги сменат мерилата на вредности, како и да не дозволат мешање од страна и прифаќање на ризични ситуации. Судирите и недоразбирањата главно ќе бидат поради финансиска нестабилност. Обрнете внимание на своето расположение кое прилично варира и ја збунува околината.

Здравје: Можни се главоболки како и проблеми кои произлегуваат од начинот на исхрана. Припазете се од некои повреди, склони сте кон деконцентрација, па може сериозно да се повредите и да си го усложните животот без потреба. Имунитетот сега ви е ослабен, па нужно е да смените некои лоши навики и да почнете повеќе да се движите и да јадете поздрави намирници.

Стрелец
 22.11-21.12

2020

Изгледа дека во 2020-та ве очекуваат многу промени, но и резултати од досегашната работа.

Бидете подготвени да го промените начинот на кој комуницирате со другите, но и за промените во кругот на пријателите и семејството.

Ќе имате слобода сами да одлучувате за секој аспект од вашиот живот. Ќе имате и многу можности, а ако ги препознаете и прифатите вистинските, ова може да ви биде најдобрата година досега.

Дефинитивно ќе научите многу за себе, но и за љубовта и животот.

Работа и финансии

Во новата година ќе работите многу повеќе, а тоа ќе резултира и со поголеми успеси. Постои голема можност навистина да ѝ се приближите на најважната професионална цел, но веројатно работата ќе ви ја одзема целата енергија.

Сепак, токму заморот од работата ќе ве научи како правило да се релаксирате.

Нема да правите големи промени во кариерата и повеќе ќе се фокусирате на себе.

2020-та ќе биде одлична за вашите финансии. Ќе имате повеќе пари од кога било, ќе ги исплатите сите долгови, па дури и ќе заштедите за во иднина.

Во првата половина од годината обрнете им внимание на новите контакти. Токму тие можат да бидат клучни за вашиот успех.

Љубов

На поле љубов ќе ви биде потребна промена, без разлика дали сте во врска или не.

Ако сте сингл, време е да почнете да барате нов партнер. Љубовта барајте ја кај некој нов познаник, а не кај пријателите или бившите. Па, одвојте повеќе време за излегување на нови места.

Доколку сте во врска за која сте сигурни дека нема иднина, време е да ѝ ставите крај во 2020-та. Сепак, доколку сметате дека има надеж, оваа година ќе имате многу можност да ја подобрите комуникацијата со партнерот.

Очекувајте промени и во пријателските и семејните врски. Бидете пооптимистични кога сте со саканите, а ако сакате да им помогнете, немојте да бидете премногу напорни.

Доколку изгубите некој пријател, до пролет ќе најдете личност која ќе го заземе неговото место, а со која вистински ќе се поврзете.

Здравје

Одвреме-навреме ќе се чувствувате исцрпено, но до пролет ќе ви се врати целата енергија.

Можно е да се справувате со некој здравствен проблем, но поверојатно е дека тоа ќе биде проблем на некоја блиска личност.

Воглавно, здравјето ќе ви биде добро, а конечно ќе поработите и на вашата духовност.

Во 2020-та ќе се обидете да го најдете вашиот внатрешен мир и до крајот на годината ќе се чувствувате подобро од кога било.