Хороскоп за Бик


Дневен хороскоп

Бик Бик
 20.04-20.05

Дневен хороскоп за Бик - понеделник, 19 април 2021

Ќе знаете како да креирате позитивната атмосфера. Добри сте со изненадувањата и некому ќе му го направите денот. Психолошки во одлична форма сте. На работното место ќе бидете на истата бранова должина со претпоставените и тоа ќе ви биде од полза. Малку сте студени во односот кон партнерот.

Неделен хороскоп

Бик Бик
 20.04-20.05

Љубов Работа Здравје
5 4 4

19 до 25 април 2021

Љубов: Чувствувате потреба нешто важно да смените во емотивниот живот. Страста е нагласена, но немојте да се залажувате бидејќи сте често склони да го изедначувате сексуалното и емотивното. Можни се интересни средби во деловното опкружување за слободните Бикови.

Работа: Полека ви се враќа самодовербата која ви беше на минимум. Сепак, бидете многу внимателни и немојте да брзате, ситниците се пресудни за понатамошниот тек на вашата работа. Кон средината на неделата ќе контактирате со личности кои се многу успешни.

Здравје: Оваа седмица потрудете се да водите сметка за себе и за своето здравје. Избегнувајте ризици кои негативно ќе се одразат на вашата здравствена состојба.

Совет: Немојте да брзате.

Месечен хороскоп

Бик Бик
 20.04-20.05

април 2021

Работа: Кога станува збор за деловниот сектор, април ви носи многу работа, но резултати може да нема веднаш. Очекувате сѐ брзо да се одвива и да добиете покачување на платата или целокупните приходи, па дури и унапредување на работното место, но тоа нема да се случи овој месец. Април треба да ви биде резервиран за завршување на деловните обврски и за подобра организација. Доцнењата во овој месец не се толерираат, дури може да бидат и деструктивни за вашата работа. Невработените Бикови овој месец ќе имаат многу понуди и разговори за работа. Можни вработувања се во областа на здравството, финансиите, економијата и правото. Хонорарна работа може да најдете во услужните дејности.

Љубов: Биковите кои се во врска во април ќе бидат во хармонични односи со партнерот. Имате можност повеќе време да поминувате дома и да внесете квалитетни и убави промени на љубовно поле. Тоа ќе ве зближи со саканата личност. Пред сѐ треба да поработите на комуникацијата и да ги решите проблемите кои ве мачат. Поддршката и разбирањето се клучни во овој период. Време е за планирање, а можеби ќе започнете теми околу проширување на семејството. Сѐ на сѐ, ви претстои убав период, полн со љубов. Ако сте слободни, ќе запознаете личност преку заеднички пријател и ќе имате многу заеднички теми. Можно е да се јават симпатии. Април не е месец за брзо решавање на работите, дајте си време.

Здравје: Чувствувате зголемена енергија и потреба за спортски активности, но ќе бидете склони и кон исцрпување и претерување. Важно е да избегнувате претерување во животните задоволства, тоа може неповолно да влијае на вашето здравје во целост. Во втората половина од април неопходно е повеќе да се одмарате и да се релаксирате.

Годишен хороскоп

Бик Бик
 20.04-20.05

2021

За родените во знакот на Бик, 2021 година ќе биде среќна година и ќе биде одбележана со промени на љубовно и професионално поле.

Февруари, април и мај ќе бидат најдобри месеци за Биковите да истражуваат нови места и да стекнат колку што е можно повеќе знаење од разни области на интерес.

Биковите се заљубени во музика и уметност, комуникативни се и друштвени и имаат одлична смисла за хумор, во нив царува романтика, но и тврдоглавост, а во 2021 ќе дојде до промени во нивниот живот.

Ќе биде зголемена потребата за љубов и внимание, можни се нови професионални можности, ќе имаат добар ментор и еден ден може да го достигнат посакуваното ниво за да си отворат свој бизнис.

 

Финансии и работа

Венера е планетата која владее со вашиот знак, а ќе се задржи во финансискиот сектор од април до почетокот на август. Овој период е посебно нагласен како потенцијален за промени во финансискиот статус.

Преговорите ќе се одвиваат додека не потпишете важен договор или додека не се донесе важна одлука, а тоа може да се оствари околу јуни.

Крајот на годината може уште повеќе да ви се посреќни со нов „финансиски шприц“ кој ќе ве подбутне полесно да ја завршите 2021 година и да ја започнете новата.

На професионално поле ќе наидете на повеќе пречки кои ќе бидат непожелни за вашите нерви, но клучно е да останете упорни и да го барате она што мислите дека го заслужувате.

Можно е да ја промените професијата, бидејќи моменталната повеќе не буди ништо во вас, освен монотона рутина која не ви годи.

На почетокот на годината ќе се остварат промените кај повеќето Бикови, а од 3 февруари до 21 март важно е да вложите повеќе труд на ова поле. Ова е периодот кога се очекува да се оствари напредување или промена на работата.

Повеќе промени во работниот живот се очекуваат во периодот јуни/јули.

Во последните месеци од годината ќе мора да покажете сериозност и да не го мешате приватниот со професионалниот живот.

 

Љубов

Биковите кои се во врска, ќе го гледаат партнерот од нов агол во 2021, а врската ќе се освежи целосно и кај повеќето ќе дојде до стапување во брак. Жените во знакот на Бик ќе донесат дете на светот.

Слободните Бикови ќе ја имаат среќата на своја страна и ќе имаат шанса да ја пронајдат сродната душа. За таа цел, не се затворајте во себе и не го поминувајте целото време сами дома.

2021 ќе биде година на подобрување на љубовниот живот, посебно кај оние кои се во врска на далечина. Ќе дојде до зближување и соединување.

Се забележува раст на ова поле, посебно во август и септември, а во мај може да започне процесот на промени.

Уште од почетокот на годината Биковите ќе ги облее чувство на љубовно задоволство и расположение кое ќе се отсликува на овој сектор.

Следете го внатрешниот глас и срцето, но не дозволувајте „љубовни уцени“ и не го заборавајте разумот во клучни моменти.

Мажите родени во знакот на Бик ќе бидат заштитнички поставени и целосно посветени на исполнување на желбите на партнерката и нејзиното добро. На моменти премногу фантазирате, но вашата партнерка ќе ве спушта на земја. Имате можност слободно да се изразувате.

Жените пак кои се родени во знакот на Бик, на почетокот може да почувствуваат монотонија, но набрзо нешто ќе им ги обнови страстите.

 

Здравје

Во текот на годината можни се повремени главоболки, иритација на дишните патишта или вирусни инфекции, нема ништо сериозно и вредно за грижи, но важно е да правите редовни контроли, како и да ги преземете сите потребни мерки за заштита.

Биковите ќе мора да обрнат повеќе внимание на она што ќе го внесуваат во себе во текот на 2021. Сериозно пристапете кон проблемот со зголемено консумирање на алкохол и лекови, доколку сте претерале, можно е да бидете склони кон инфекции и ослабнат имунитет.

Слатките задоволства ќе ве носат во искушенија, но кон пролетните месеци можно е да го ставите во ред начинот на исхрана.


  • Horoskop-Oven
  • Horoskop-Bik
  • Horoskop-Bliznaci
  • Horoskop-Rak
  • Horoskop-Lav
  • Horoskop-Devica
  • Horoskop-Vaga
  • Horoskop-Skorpija
  • Horoskop-Strelec
  • Horoskop-Jarec
  • Horoskop-Vodolija
  • Horoskop-Ribi

Бонус хороскоп

Најчитани неделава

sonovnik-sidebar.jpg