Хороскоп за Бик


Дневен хороскоп

Бик Бик
 20.04-20.05

Дневен хороскоп за Бик - вторник, 18 јануари 2022

Ќе ја добиете потребната поддршка од саканите, а ова ќе ви помогне да финализирате некој личен проект. На професионално поле ќе го проширите кругот на познаници, а можни се и нови договори. Во љубовта нештата се одлични. Целите што денес ќе ги поставите со партнерот би требало да бидат реализирани до летото.

Неделен хороскоп

Бик Бик
 20.04-20.05

Љубов Работа Здравје
5 4 4

17 до 23 јануари 2022

Љубов: Ова е напорен и тежок период со многу непредвидени детали. Подготвени сте на разни авантури, меѓутоа неопходно е да има интерес и од другата страна. Обидете се да се концентрирате на желбите од партнерот, во спротивно нема да се согласувате по многу прашања.

Работа: Пред вас се комуникативни и успешни деловни денови. Контактите ќе бидат дуплирани, а поволните околности ќе влијаат побргу да ги завршите претходно започнатите работи. Време е да поведете повеќе сметка за тоа кому му се доверувате за да не станете жртва на сплетки и озборувања.

Здравје: Проширете ги аспектите на вашиот ментален, емоционален и физички живот, бидете поактивни и вклучени за да постигнете оптимално ниво на енергија.

Совет: Можни се кратки патувања, одете.

Месечен хороскоп

Бик Бик
 20.04-20.05

јануари 2022

Работа: Стресот поради деловите обврски ќе расте како што се наближува крајот на јануари. Ќе ви се чини дека не можете да пронајдете време за себе и за своето семејство. Иако сакате да бидете самостојни, овојпат поделете ги деловните проблеми со соработниците, побарајте помош. Единствено така можете да го сочувате своето слободно време и да му се посветите на семејството, пријателите и партнерот. Се чини дека ѕвездите ве опоменуваат дека е време да научите да мислите на себе. Невработените Бикови ќе бидат во можност да добијат ново вработување во областа на просветата, здравството, градежништвото, транспортот, туризмот и инженерингот.

Љубов: Останавте затечени од случувањата во изминатата година и многу работи се неразјаснети. Немојте во текот на јануари да носите избрзани одлуки, размислете и одмерете ги зборовите пред да ги кажете. Нема причина за груби изјави и повредување на партнерот. Можно е да се чувствувате дека одредени ситуации ве кочат, останете смирени и чекајте ги своите пет минути. Имајте на ум дека љубовта секогаш победува. Слободните Бикови ќе чувствуваат нервоза и ќе бидат фокусирани на деловните активности. Обидете се да се опуштите и да останете што е можно подолго во ведро и празнично расположение.

Здравје: Вашето здравје во текот на јануари ќе биде чувствително, но нема да има некои сериозни проблеми. Можни се само помали и лесни настинки. Избегнувајте да бидете премногу пасивни и поголемиот дел од времето да го поминувате седејќи, тоа може да предизвика болки во средниот и долниот дел на грбот. Од третата декада на јануари здравјето ќе ви биде стабилно.

Годишен хороскоп

Бик Бик
 20.04-20.05

2022

2022 ќе биде година полна со фасцинантни искуства и финансиски можности за родените во знакот на Бик.

Бикот се смета за еден од најсреќните знаци во 2022, на лично и на финансиско поле.

Но, ова е и годината кога припадниците на овој знак ќе заблескаат во полн сјај во љубовта, а Биковите посебно ќе бидат среќни на ова поле околу 30-ти април.

Бенефити во кариерата, можно покачување на плата или унапредување се очекуваат од 5-ти април, а во септември, ретроградниот Меркур ќе ви се испречи на мирната патека.

Работа и финансии

Најдобриот начин за Биковите да заработат пари во 2022 ќе биде преку партнерство, па токму таков сојуз се очекува.

Држете се до вашата специјалност, а препуштете му на партнерот да се грижи за делот за кој вие не сте многу стручни, одржувајте баланс во соработката.

На некои Бикови ќе им се посреќи со работа за странство, па прекуокеанските трансакции совршено ќе се вклопат во вашите финансиски замисли.

Годината ќе биде многу продуктивна, а Биковите ќе работат на својот напредок во кариерата.

Квантитетот, но и квалитетот на работата ќе доживеат пораст, а ќе добиете поголеми одговорности, па ќе мора да ги исполните очекувањата.

2022 е и одлична година да се навратите на учење, односно да продолжите да го надградувате знаењето во теми кои ве интересираат или се значајни за вашата работа.

Клучот за успех во 2022 е развивање на поголема техничка експертиза и специјализација во полето на вашата работа.

Многу Бикови ќе имаат шанса да ги подобрат и јазичните способности, преку можности за работа во странски компании или со колеги од странство.

Љубов

2022 година ќе биде возбудлива на љубовно поле, а особено вакви предвидувања има за слободните Бикови.

Истите се советуваат да живеат за моментот, да се забавуваат и да дозволат времето да покаже што е најдобро за нив, без да избрзуваат.

Ќе запознавате многу нови луѓе, а ќе прифаќате и љубовни состаноци на слепо, се очекуваат повеќе авантури, а и по некоја грешка од која ќе научите.  

Вториот дел од годината ќе биде исполнет со шанси за започнување на врски кои може да се претворат во долги љубовни приказни.

Оние кои веќе пливаат во љубовните води ќе почувствуваат бран на енергија кон крајот на јануари, кој ќе ги држи во текот на целата година.

Родените во знакот на Бик ќе ја сфаќаат идејата за брак многу посериозно отколку досега и ќе сакаат да ја крунисаат својата љубов.

Кај многу Бикови ќе се роди и желбата за проширување на семејството, па очекувајте многу добри вести и принова.

Здравје

Работата и здравјето ќе бидат тесно поврзани во 2022, па внимавајте да не се префорсирате.

Научете да кажете „не“ – тоа ќе го намали нивото на стрес, а дополнително најдете начини како да се ослободите од стресот преку активности и хобија.

Грижете се повеќе за здравјето и исхраната и воведете ефективна дневна рутина.

Можни се повремени проблеми со стомакот, што повторно е како резултат на нервоза. Бидете посебно внимателни во периодот од март до октомври


  • Horoskop-Oven
  • Horoskop-Bik
  • Horoskop-Bliznaci
  • Horoskop-Rak
  • Horoskop-Lav
  • Horoskop-Devica
  • Horoskop-Vaga
  • Horoskop-Skorpija
  • Horoskop-Strelec
  • Horoskop-Jarec
  • Horoskop-Vodolija
  • Horoskop-Ribi

Бонус хороскоп

Најчитани неделава

sonovnik-sidebar.jpg