Скорпија
 23.10-21.11

Љубов	Работа	Здравје

20 до 26 јуни 2022

Љубов: Скорпиите оваа недела може да бидат склони да размислуваат за старите и заспани емоции, а оние кои се пред важна љубовна одлука треба да почекаат, бидејќи е можно повторно размислување. Зафатените припадници на знакот ќе сакаат поголема стабилност во врската.

Работа: Од средината на неделата за вас започнува прилично напорен период бидејќи соработниците ќе бидат премногу напорни, збунувачки и нема да ви биде јасно што да очекувате од нив. Пред вас е многу труд за да се вклопите во тимот соработници кои не се многу кооперативни.

Здравје: Движете се и дружете се повеќе. Знаењето и увидот се силни адути оваа недела - следете ги вашите внатрешни желби, слушајте ја вашата интуиција и бидете трпеливи.

Совет: Уживајте во веселото друштво.

Скорпија
 23.10-21.11

јуни 2022

Работа: Фокусирани сте на приватниот живот, постигнавте голем број цели во претходниот период и задоволни сте со деловната ситуација. Според тоа, јуни ќе биде мирен месец за повеќето Скорпии, ќе ви донесе позитивна атмосфера во тимот и ќе успеете да избегнете напорни состаноци и работните задачи ќе им ги препуштите на колегите – мислите дека сте направиле доволно. Финансиската состојба е без поголеми промени. Во третата декада од јуни ќе ги подобрите платежните трансакции и ќе остварите добивка на полето на услугите. Невработените Скорпии ќе добијат поволни можности за вработување во областа на образованието, забавата, дизајнот, ИТ индустријата и комуникациите. Ќе се бара вашиот креативен потенцијал.

Љубов: Скорпиите во љубовна врска продолжуваат да се однесуваат по старо, повторувајќи ги научените обрасци кои го задушуваат партнерот. Обидете се да се опуштите и да најдете компромис, избегнувајте кавги во првите две недели од јуни и потрудете се да му дадете поддршка на партнерот, сега најмногу му требате. Во втората половина на јуни ќе имате стабилност во врската и постигнување заедничките цели. Ќе имате и стабилност и взаемна поддршка во семејните односи. Слободните припадници на знакот ќе се посветат на излегувањето и на својот запоставен социјален живот. Можете да влезете во неврзана врска со мистична и духовита личност.

Здравје: На почетокот на јуни, ќе имате послабо здравје, но ќе успеете да го одржите имунитетот на потребното ниво и да избегнете посериозни здравствени проблеми. Во втората половина на јуни избегнувате претерувања со животните задоволства и  практикувате физички активности. Генерално, добро се чувствувате.

Скорпија
 23.10-21.11

2022

2022 за Скорпиите носи нова енергија, многу повеќе отколку минатата, се очекуваат многу дружби со саканите, патувања, како и прибирање на заслугите од изминатиот труд.

Во текот на пролетните месеци, Скорпиите ќе заблескаат на професионално поле, а периодот ќе биде поволен за новитети во кариерата - инвестиции, нов бизнис или промена на работата.

Комуникациските способности на родените во овој знак ќе бидат засилени, а со тоа оваа година нема да поминат незабележано и постојано ќе бидат во центарот на вниманието.

Летниот период пак е најдобар за Скорпиите да поработат на односот со саканите, а есента и крајот на годината ќе биде исполнет со моменти на радост, а посебно среќата ќе им се насмевне на слободните.  

Работа и финансии

Во 2022 се очекува да ги соберете сите признанија, но и финансиски заслуги за она што го работите.

Дополнителни хонорари и бонуси се на агендата за наредните 12 месеци, па не се двоумете дали вложувањето во себе и работата е исплатливо – дефинитивно ќе биде, прифаќајте работни ангажмани.

Доколку Скорпиите сакаат да побараат покачување  на платата или унапредување, најповолен период ќе биде јуни, кога моќите на убедување ќе ви бидат најсилни.

Финансиската состојба ќе го доживее својот пик по месец септември, кога повеќе нема да се грижите дали ќе споите крај со крај.

2022 ќе биде годината кога Скорпиите ќе заблескаат со својата амбициозност и забрзано ќе ги остваруваат своите професионални цели.

Во текот на оваа година се препорачува да работите сами посебно ако станува збор за некои приватни бизниси и инвестиции, без да мешате други луѓе, бидејќи ќе дојде до конфликти.

Ова е времето кога ќе покажете за што сте способни и што можете да направите. Подгответе се за чекор нагоре по скалата на успехот.

Љубов

Ако работите не се одвиваа баш во најдобар ред во изминатите години, во 2022 Скорпиите ќе си го вратат ентузијазмот, расположението за љубов ќе им биде значително подобрено, а ќе зрачат со самодоверба.

Ретроградниот Меркур од 10-ти мај може да создаде благи проблеми во комуникацијата со саканите, навраќање на нешто од минатото, недоразбирања со децата и слични препреки кои ќе треба да ги надминете.

Покрај тензичните ситуации, Скорпиите ќе доживеат експлозивен љубовен живот и незаборавни моменти со партнерот во текот на овие 12 месеци.

Важно е да не заборавите да ги земате предвид желбите и барањата на партнерот за да го одржите балансот во врската.

Слободните Скорпии ќе сакаат авантури, но нема да одат во крајности. Се очекува да ја најдат својата сродна душа преку некои познаници или блиски пријатели.

Дури и она што ќе ви личи на љубовна игра, на крај ќе се претвори во прекрасна љубовна приказна.

Здравје

Во 2022 се препорачува да  бидете повнимателни со исхраната, а се очекува да имате многу повеќе енергија и желба за спортување.

Ова ќе ви го забрза метаболизмот и ќе ви овозможи да го одржувате здравјето до крајот на годината.

Генерално здравствената состојба се очекува да ви биде добра, но обрнете внимание на блокади предизвикани од емоционална природа.