Лав
 23.07-22.08

Љубов	Работа	Здравје

19 до 25 април 2021

Љубов: Решени сте нешто да смените во љубовниот живот. Слободните Лавови веројатно ќе сменат нешто во изгледот, додека оние што се во врска ќе ја изненадат саканата личност. Повторно ќе има хемија помеѓу вас, но неопходно е преземање на иницијатива од ваша страна.

Работа: Останете доследни на своите ставови, само на тој начин ќе стигнете до успех. Нешто што не зависи од вас ќе почне да се решава во ваша корист. Личности кои се на позиција ви се наклонети, без разлика што се тешки соговорници. Веројатно нешто чекате, а решението ќе стигне кон крајот од месецот, но мора да бидете поактивни.

Здравје: Организирајте излет и прошетки во природа за да се наполните со добра енергија и да го исфрлите стресот и нервозите. Здрави сте и силни.

Совет: Сè ќе биде добро ако не настапите со сила.

Лав
 23.07-22.08

април 2021

Работа: Деловниот аспект е подобар од претходниот месец. Ќе имате повеќе пари, но и повеќе финансиски средства што дополнително ќе ви делува позитивно. Во овој месец најважна е комуникацијата со колегите, нивната помош во одреден момент ќе ви биде навистина неопходна. Случувањата на работа може на кратко да ве изнервираат и да ве изненадат, но тоа се работи кои ќе поминат. Успехот се гради од ден на ден и од вас се очекува да останете фокусирани и да дадете сѐ од себе. Успеавте правилно да се организирате, па нема да биде проблем да издвоите слободно време за себе. Невработените Лавови ќе добијат поволни шанси да се вработат во областа на правосудството, администрацијата и услугите. Ќе се бараат вашите раководни способности.

Љубов: На Лавовите април им носи многу убави моменти. Со партнерот сте воспоставиле добра комуникација која ви помага лесно  едноставно да ги остварувате големите цели. Ќе уживате во нежностите и хармоничните моменти. Повеќе време ќе поминувате и со семејството и со пријателите. Овој месец за вас е многу продуктивен, но и опуштен, а вам токму тоа ви треба, да поминете квалитетно време со саканите личности и да се одморите. Слободните Лавови ќе имаат прилика да запознаат личност со која имаат многу заеднички ставови и теми, а новото дружење може да доведе и до нова врска.

Здравје: Здравјето ќе ви биде стабилно. За да ја одржите таа состојба и кондиција, треба почесто да одите во природа на свеж воздух. Ако не сте во можност тоа да го правите, добро би било да бидете во простории со добра вентилација. Внимавајте на  'рбетниот столб.

Лав
 23.07-22.08

2021

За Лавовите, 2021 ќе биде година на овие проекти, можности и проширување на хоризонтите, но и длабоки промени на љубовно и лично поле..

„Бизнис сетилото“ ќе ви биде многу изострено и ќе знаете како да ја искористите секоја прилика како своја предност.

Ќе бидете многу трпеливи и ќе знаете каде и кога да притиснете, ќе бидете фокусирани на сите аспекти, и на приватниот и на професионалниот, ќе покажете голема одговорност.

Во месеците март и април, Лавовите ќе бидат исклучително креативни, оригинални и насочени кон нови откритија.

Оние кои работат во доменот на истражувања ќе постигнат неочекувано добри резултати, а ќе може да се потпрете и на вашата интуиција.

Финансии и работа

Ќе имате повеќе шанси да си ги зголемите приходите во текот на годината, треба добро да планирате што повеќе ви се исплати, да размислувате стратешки и среќата ќе ви се насмевне на ова поле.

Парите нема да ви паднат од небо ниту на лотарија, ќе си ги заработите со многу труд и работа. Иако нема да имате проблеми со скратен буџет, сепак ќе мора добро да ги менаџирате финансиите и трошоците.

Септември и октомври се најдобри месеци кога станува збор за финансиски аспект, а работата во партнерство може да ви помогне да си ја подобрите финансиската состојба.

Нема да имате потреба од други драстични промени во работата или кариерата, но ќе мора да покажете поголема сериозност и професионалност со новите ангажмани.

Мажите Лавови ќе бидат посклони кон преземање ризици, но внимавајте да не ви стане навика па да престанете да ги пресметувате последиците и да се соочите со непријатни изненадувања.

Втората половина од годината ќе биде подобра од првата. Во 2021 ќе имате можност да станете лидер на работа и да добиете унапредување кое ќе ви заработи сочен бонус на крајот од годината.

Љубов

Голем дел од Лавовите ќе влезат во необична љубовна фаза со многу нејаснотии која ќе трае малку подолго.

Ова ќе биде голем предизвик кој може целосно да ви го промени погледот на љубовта, гледањето на самите себе и себе-вреднувањето, но и за тоа како сакате да го поминувате слободното време.

Жените Лавови посебно ќе сакаат да надоместат за изгубеното време, па ќе се фокусираат на насочување на животот кон поголемо искористување на секој момент и квалитетно поминато време.

Ако сте во врска ќе мора да го поминете тестот на сериозност и издржливост во некој период од годината.

Доколку сте истрајни, врската може да претрпи промени кои кај повеќето може да влијаат позитивно, а останатите ќе сфатат дека не биле со вистинската личност.

За оние кои успешно ќе го поминат тест периодот дотогаш, август и септември се идеални за брак.

За слободните Лавови не може да се каже дека 2021 ќе започне со посебно идилична и романтична атмосфера на љубовно поле.

Во првите месеци од годината ќе постои личност која ќе влијае на вашиот приватен живот, но ова ќе биде период кога ќе се поврзувате со различни личности, ќе бидете вклучени во разни друштвени активности и може да станете дел од нов тим, па нема многу сериозно да гледате на љубовната авантура.

Процутување на љубовниот живот може да се случи дури околу јуни и јули, во тој период многу слободни Лавови ќе имаат можност да заблескаат покрај некоја важна личност.

Здравје

Здравјето на Лавовите може да биде поранливо во периодот до октомври, па тоа ќе биде причина да бидете повнимателни и да се стремите кон превенција на здравствени проблеми, но не и причина за паника и грижа.

Добро е да се фокусирате целосно на себе и однатре да почнете да ги правите промените, почнувајќи со здрави навики и здрав начин на живот.

Генерално добро ќе се чувствувате, но промените кои ќе ги направите ќе создадат уште поголема добросостојба и спокој кој ви е и повеќе од потребен со оглед на стресните ситуации.