Овен
 21.03-19.04

Љубов	Работа	Здравје

30 јануари до 5 февруари 2023

Љубов: Многу бурна недела, со многу настани и средби. Зафатени сте со партнерот обидувајќи се да ги решите старите проблеми. Слободните Овни ќе бидат подготвени за нови предизвици оваа недела и полни со оптимизам ќе се обидат да воспостават нови контакти.

Работа: Ви претстојат непредвидливи промени. Можеби ќе го смените работното место или, ако не сте вработени, одеднаш ќе се вработите. Финансиската состојба е добра, но внимавајте на трошоците. Имате тенденција да трошите пари, затоа, без оглед на добриот приход, погрижете се да не трошите на она што не ви треба.

Здравје: Во овој период грлото ви е чувствително, а можни се и алергиски реакции. Движете се повеќе и останете на свеж воздух. Можна е несоница.

Совет: Фокусирајте се на најважното.

Овен
 21.03-19.04

февруари 2023

Работа: Работите се тензични во деловното опкружување и нема отворени можности за напредување во кариерата, а деловните односи се нестабилни. Прикриената нетрпеливост може да се претвори во отворен конфликт, што ќе влијае на вашата ефективност. Можете да работите многу напорно, но нема да ги видите посакуваните резултати, дури во последната недела од февруари тензиите ќе се смират, а потоа можете да ги подобрите односите со колегите и соработниците. Мора да продолжите да работите напорно, но избегнувајте службени патувања. Сепак, финансиските шпекулации со акции и недвижен имот можат да ви користат, особено ако се вклучени семејни интереси и бизниси.

Љубов: Љубовните односи се подобруваат во последната недела од февруари – дотогаш, нема да има жар или блискост во партнерските односи. Дополнителна напнатост може да предизвика тврдоглавоста, ова не е момент да одлучите дека ви е доста од тоа секогаш да правите отстапки. Во овој период особено се неопходни отстапки, за разговори и преговори почекајте подобро време. Доколку сте сами, во текот на февруари посветете се на активности преку кои можете да ја намалите тензијата и да се изразите на интелектуално ниво. Може да сретнете некоја интересна личност што се занимава со некои организирани активности во природа или на културен настан.

Здравје: Февруари ви носи добро и стабилно здравје. Често ќе бидете во движење и ќе ја одржувате физичката кондиција со вежби. Ќе сакате да престојувате на места каде што воздухот е чист, како што се планините. За да го одржите вашето здравје стабилно, избегнувајте да престојувате подолго време на места каде што воздухот е загаден. Вашата отпорност на стрес ќе биде силна. Најдете време за одмор.

Овен
 21.03-19.04

2023

Хороскопот за 2023 на Овните им ветува дека новата година ќе биде за помнење, со многу промени за кои не сте помислиле дека се возможни, а ќе имате спектакуларни скокови на поле финансии и кариера, но и љубов.

За најактивен период во годината ќе се смета јануари до јуни, тогаш ќе бидете најагилни, брзи, динамични и ќе направите другите во околина да мислат дека стојат во место, додека вие се движите со брзина на светлината кон целта.

Овните нема да имаат време за чекање другите да ги стигнат, ќе сакаат да направат сè во што е можно побрз рок, а на кариерно поле ќе заблескаат во март и април.

Финансиите ќе ви бидат исто така силна страна и нема нешто што ќе го замислите, а нема да го исполните. Финансиски бум може да очекувате од средината на октомври до средината на ноември.

Годината ќе донесе многу промени за Овните, кои ќе подобрат повеќе полиња во секојдневниот живот – од кариера и финансии до љубов и здравје.

Работа и финансии

Во текот на 2023, Овните ќе си уживаат во заслугите од трудот кој го вложиле минатата година на професионално поле. Освен загарантираните приходи од изминатиот период, ќе бидете во потрага по нови извори на приход.

Предвидувањата на хороскопот се дека 2023 ќе биде просперитетна година за Овните кои се бизнисмени, кои ги држат конците во свои раце, инвестираат или работат на берза и работата и бизнис активностите ќе им донесат добри профити.

Годината ќе биде идеална и за оние кои за првпат сакаат да се пробаат во нови бизниси, ќе имате можност да отворите нешто свое, патот ќе ви биде расчистен во првиот квартал од годината, а инвестициите ќе бидат исплатливи.

Овните во 2023 ќе бидат многу креативни и иновативни, нема во ниту еден момент да се остават со една здодевна работа, постојано ќе бидат во потрага по нешто ново и различно, ќе се трансформираат од секој аспект, благодарение на лекциите кои ги научиле.

Од Овните кои се вработени во компании ќе се очекува константност во резултатите со кои ќе ги воодушеват надредените на почетокот на годината, а ако имате нешто да кажете или да побарате повеќе за себе, 2023 е годината кога треба да го направите тоа.

Иако годината ќе ви донесе завидна финансиска состојба, немојте прекумерно да трошите на луксуз и потрудете се салдото на штедната сметка да не стигне до 0 до крајот на 2023.

Освен вашата заработка, многу Овни може да очекуваат да им бидат вратени некои позајмени пари или да добијат профит од некоја инвестиција која ја заборавиле.

Задоволството од трошење пари на саканите луѓе ќе ви биде посебно драго, но ако намерата ви е да потрошите пари за да придобиете некого, тогаш не се ни обидувајте, ќе се разочарате.

Љубов

Повеќето Овни во 2023 ќе се помират со романтичните разочарувања и ќе се фокусираат на сегашноста и иднината, без да се каат или страдаат по минатото.

Почетокот на годината ќе биде идеален период за емоционално придвижување и промени – ќе бидете понежни, романтични, комуникативни и опуштени, без да размислувате како ќе ви биде толкуван секој чекор.

Романтичните врски во 2023 ќе побаруваат од Овните поголема посветеност и обновена надеж, време е да ги поправите грешките од минатото, да ги залечите раните и да се впуштите во цврсти и стабилни односи.

Овие промени кај оние со сериозни врски може да резултираат со планирање на брак, запросување или можеби проширување на семејството, бидејќи повеќе не гледате место за турбуленции во љубовниот живот и сакате да се смирите.

Сепак, тоа не значи дека сите 12 месеци ќе течат како мед и млеко кај посериозните парови, напротив, годината може да започне со конфликти и недоразбирања, па Овните ќе мора да ја скротат својата доминантна природа и да пронајдат заеднички комфор и разбирање за да ја надминат кризата.

Помладите пак, и слободните Овни, ќе имаат сериозен избор на опции во периодот од февруари до април, некои од нив ќе седат на две столчиња, а други ќе размислуваат што е најдобро за нивната иднина.

Не е лесно да ја пронајдете сродната душа, па ќе мора да се потрудите, а добрите вести се дека некои родени во овој знак, истата ќе ја пронајдат во некој стар пријател, но ќе се најдете пред голем предизвик да одлучите дали сакате да се врзувате во овој период од животот.

2023 е годината кога Овенот многупати ќе се стави на прво место (и покрај тоа што нема да ги запостави потребите на партнерот или потенцијалниот партнер), ќе се запраша што сака од својот живот, кои му се потребите од љубовниот живот и ќе одбива да прифати компромиси кои не му одговараат на целите и замислите.

Здравје

Многу Овни ќе бидат во фаза на ментално закрепнување и пронаоѓање мир во 2023, но мора да знаете дека тоа не се случува преку ноќ, туку е процес кој може да биде предизвикувачки, но треба да пронајдете убавина и во него.

Потребно е да воспоставите поголем баланс помеѓу одморот и интензивниот труд кој го вложувате на различни полиња од животот.

Обрнете повеќе внимание на сигналите кои ви ги дава телото и не се противете на редовни прегледи за да избегнете да ја научите лекцијата на потешкиот пат.

Ова е годината кога на своја кожа ќе почувствувате дека здравјето е најважното нешто што мора да се чува и мора да го ставите на прво место, а е единственото нешто што не се купува со пари.

Астрологијата советува да се посветите на лесни вежби, редовна физичка активност во природа, медитација и други активности кои ќе ве релаксираат и ќе воспостават баланс во телото.

Во 2023 нема простор за стресови, научете како да ги игнорирате, време е за промени во навиките на исхрана и внесување поздрави животни ритуали и одржување на здраво тело и дух.